С.Ганбаатар, Н.Алтанхуяг нар “Женко”-ийн даалгавраар “хөдөлнө”

2021-05-01 616 0

Монгол Улсын Ерөнхийлөгчийн сонгуульд нэр дэвшигчдийг маргааш СЕХ албан ёсоор бүртгэнэ.

МАН-ын Ерөнхий нарийн бичгийн дарга Д.Амарбаясгалан, “Үндсэн хуульд заасан шаардлагын дагуу ёс зүйтэй үнэнч шударга, улс орныхоо төлөө зорилго тавин ажиллаж чадах хүнээ дэвшүүлнэ” гэсэн билээ.

Харин АН-ын тухайд их хэцүүхэн сонгууль болох төлөвтэй. Учир нь хоёр даргатай тус намаас нэлээд хэдэн хүн нэр дэвшихээр болсноо мэдэгдээд байгаа. АН-ын албан бус дарга О.Цогтгэрэлийн намаас С.Ганбаатар, Н.Алтанхуяг нар дэвшихээр бүртгүүлээд байгаа. Харин С.Эрдэнэ даргатай АН-аас Х.Тэмүүжин, Ц.Оюунгэрэл нэрээ дэвшүүлээд байгаа билээ.

Улсын Дээд шүүхийн бүртгэлээр АН-ын дарга нь С.Эрдэнэ хэвээр байгаа. Гэтэл анхнаасаа Ерөнхийлөгч Х.Баттулгын дэглэлтээр АН-ын албан бус дарга О.Цогтгэрэлийн намаас С.Ганбаатар, Н.Алтанхуяг нар дэвшихээр бүртгүүлээд байгаа.

АН-ыг хоёр хувааж, сонгуульд оролцуулахгүй байх нөхцөлийг Ерөнхийлөгч асан Ц.Элбэгдорж, одоогийн Ерөнхийлөгч Х.Баттулга нар гэдгийг АН-ынхан болоод улс төрийн хүрээнийхний дунд яригддаг. Мөн Х.Баттулга Ерөнхийлөгчийн сонгуульд АН-ыг унагаж, өөрөө Ерөнхийлөгчөөс буугаад намын  дарга болж өөрийн хаанчлалаа тогтоох санаархал юм.

Түүнчлэн Ерөнхийлөгчид нэр дэвшиж чадахгүйд хүрсэн С.Ганбаатар, Н.Алтанхуяг нар бол “Женко”-ын даалгавраар олон нийтийн дунд үймээн шуугиан тарих зорилготой гэх яриа ч байна. Ямартай ч даалгавар гүйцэтгэгчид ард түмэн, байгалийн баялаг, шударга бусын хонгилоо яриад гарч ирэх нь ойлгомжтой.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Фортуна Батбаярын охин Ардчилсан Эмэгтэйчүүдийн Холбооны ерөнхийлөгч боллоо

Ардчилсан намын дэргэдэх Ардчилсан Эмэгтэйчүүдийн Холбооны ээлжит ерөнхийлөгчөөр Батбаярын Жаргала

2023-09-26

Д.Амарбаясгалан: Монгол Улс олимпод цагаан туган дор оролцох эрсдэл үүсээд байна

Манай улс ирэх онд Франц улсад болох зуны олимпын наадамд "Цагаан туг"-ийн дор оролцох эрсдэл үүсээ

2023-09-20

УИХ-ын гишүүн асан Д.Гантулга дахин хүчингийн хэрэгт холбогджээ

УИХ-ын гишүүн асан Д.Гантулга дахин хүчингийн хэрэгт холбогджээ. Түүнийг Хан-Уул дүүргийн

2023-09-19