Мэдэхгүй бүхэн хүний дайсан гэж нэг үг бий. Урьд нь өндөг шарж идэх үедээ цусан толботой эсвэл давхар шартай байвал яагаад ч юм таагүй сэтгэгдэл төрж шуудхан л хаячихдаг байлаа.
Ер нь бидний өдөр тутмын гол хэрэглээний нэг нь өндөг. Тэр атлаа бид өндөгний талаар тийм ч сайн мэдээлэлтэй байдаггүй. Энэ удаад “Өндөгний ертөнц”-өөр багахаан аялъя.
Хамгийн эхний асуулт. Цагаан өндөг сайн уу эсвэл бор уу.
Хариулт нь маш энгийн. Цагаан тахианаас цагаан, бор болон хар зүсмийн тахианаас бор өндөг гардаг. Өндөглөгч тахиа нас бага байх тусам жижиг, харин нас ахих тусам том өндөг гаргадаг байна. Бор цагаан өндөг чанарын хувьд ямар ч ялгаагүй.
Хоёр дахь асуулт. Өндөгт яагаад цусан толбо үүсдэг вэ?
Өндөг үүсэж байх явцад шар уураг хэд хэдэн цусны судсаар тэжээгдэж байдаг байна. Эдгээр судсууд байнгын судас биш тул маш эмзэг. Өндөглөгч тахиа гэнэт цочих, тавгүйтэх үед зарим судас тасарч өндөгний шар уурагт үлддэг нь цусан толбо аж. Цусан толбо өндөгний цагаан болон шар дээр маш тод харагддаг нь таагүй сэтгэгдэл төрүүлдэг ч ямар ч аюулгүй гэнэ.
Гурав дахь асуулт. Өндөгний шар яагаад ихэрлэдэг вэ?
Дотроо хоёр шартай өндөгийг үржлийн аргаар ихэрлүүлж гарган авдаг гэсэн ойлголт бидэнд байдаг. Тэгвэл ихэр өндөг нь тахианы өндөгөн эс боловсрох үед 1 биш 2 өндөгний шар боловсрогдож гарснаас үүдэлтэй аж. Энэ үзэгдэл ихэвчлэн залуу тахианд тохиолддог. Учир нь залуу тахианы биеийн онцлогоос шалтгаалан өндөг боловсрох үйл явц илүү хурдтай явагддаг байна.
Хоёрдогч өндөгний шар нь өндөг дамжуулах сувгаар зэрэгцэн эхний шартайгаа нийлж хоёр шар бүхий нэг өндөгийг үүсгэдэг. Энэ жишээгээр 2-6 хүртэл өндөгний шартай өндөг боловсрох тохиолдол бий. Ихэвчлэн 22-35 долоо хоногтой залуу тахианд тохиолдоно.
Ердийн нөхцөлд гэрлийн тусламжтайгаар та ихэр өндөгийг шалгах боломжтой. Ихэр өндөг нь тахианы гентэй шууд холбоотой гэж судлаачид тодорхойлжээ. Ихэр шартай өндөг нийт өндөгний 5 хувийг эзэлдэг бол 3 ихэр шартай өндөг 250 саяд нэг тохиох магадлалтай гэнэ.
Дөрөв дэх асуулт. Бид өндгийг зөв хадгалж чаддаг уу?
Ихэнх нь чаддаг гэж хариулах байх. Гэхдээ нэг зүйлийг анхаараарай. Өндөгний шөвгөр хэсгийг доош харуулж хадгалах ёстой юм байна шүү. Тэгвэл хадгалалт сайн даадаг аж.
Тав дахь асуулт. Өндөг дээрх тамга юуг илэрхийлдэг вэ?
Өндөгний өнгө, үүлдрээс үл хамааран бүх өндгөн дээр тамга байдаг. Эхний тоо нь өндөгний төрөл, хоёр дахь нь орон, гурав дахь нь үйлдвэрлэгч байгууллагын кодыг илэрхийлдэг. Харин доор нь он сар өдөр бий.
Заримдаа өндгөн дээр “Д” эсвэл “С” гэсэн үсэг байх магадлалтай. “Д” гэдэг нь хоолны дэглэм барьж буй хүмүүст тохиромжтой бол “C” нь энгийн хүмүүст тохиромжтой аж. Өөрөөр хэлбэл “Д” гэдэг нь долоо хоногтой шинэ өндөг, харин “С” нь 8-25 хоносон өндөг байдаг гэнэ. Харин бидний түгээмэл хэрэглэдэг Баян компанийн тамга доорх утгыг илэрхийлдэг байна.
Зургаа дахь асуулт. Өндөгний бүтэц?
Энэчлэн өндөгний тухай сонирхолтой баримтууд олон, ач холбогдол ч өндөр.
Өндөгт ханасан холестрин байдаг. Ханаагүй холестрин судас бөглөдөг бол ханасан холестрин судас цэвэрлэдгийг бид мэднэ. Мөн өндөгөнд тархины үйл ажиллагааг дэмждэг бодис ч бий.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй