Асашёорюү Д.Дагвадорж гоонь эрийн амьдралдаа цэг тавьж, гэрлэсэн болохоо өөрийн фэйсбүүк хуудсаар дамжуулан зарлалаа. Аса аварга арав шахам жил хамт амьдарсан гэргий Тамираасаа албан ёсоор салж, тусдаа амьдарсаар багагүй хугацааг үдэж байгаа. Удаад нь Б.Лагшми гэх эмч бүсгүйтэй хамт амьдарч эхэлсэн. Дуулиантай эхэлсэн хосын харилцаа нэг их удаагүй. Харин тун саяхан сумо бөхийн их аварга шинэхэн гэргийгээ танилцуулжээ.
Д.Дагвадоржийн гэргийг М.Отгонцэцэг гэдэг бөгөөд 2018 оны үндэсний их баяр наадмаар хамтдаа наадамлаж, харилцаагаа ил болгож байсан. Асашёорюү Дагвадоржтой хамт амьдарч байсан М.Отгонцэцэг өнгөрсөн хавар нярайлсан. Харин энэ жилээр хамтын амьдралаа баталгаажуулж, гэрлэсэн гэдгээ зарлав.
Асашёорюү Дагвадорж 1980 оны есдүгээр сарын 27-нд төрсөл бол эхнэр нь 1994 онд төржээ. М.Отгонцэцэг загвар өмсөгч, мисс Т.Туяамаатай дотно найз, нэг үе хамтдаа загвар өмсөж явсан билээ. Аваргын гэргий нэгэн үе “Urban” брэндийн загвар өмсөгчөөр ажиллаж байжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй