Орон сууцны хохирогчдын асуудлыг шалгах ажлын хэсгийн хуралдаан өнөөдөр боллоо.
Барилга хот байгуулалт, орон сууцжуулалтын яамны сайд Э.Бат-Амгалан “Орон сууцны залиланд өртсөн олон иргэн ажлын хэсэгт хандсан. Өнгөрсөн тавдугаар сарын 1-30-ны хооронд 44 аж ахуй нэгжийн 52 орон сууцны төслийн гомдол мэдээлэлд судалгаа хийсэн. Ингэхэд дийлэнх нь 2 жилээс дээш хугацаагаар хохирсон иргэд байсан. Орон сууцны захиалгаас болж олон иргэн хохирч байгаа учраас холбогдох байгууллагууд анхаарлаа хандуулах нь зүйтэй.
Одоо барилгын төслөө эхлэхдээ иргэдээс шууд захиалга авдгийг болиулна. Барилга барьж буй аж ахуйн нэгж, компаниуд тухайн барилгынхаа 50-аас дээш хувийг барьсан тохиолдолд иргэдээс захиалга авах зохицуулалтыг барилгын хуульд оруулж өгч байгаа” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй