Coca-Cola-аас яагаад татгалзах хэрэгтэй вэ?

2021-09-14 6179 5

Та кола уудаг уу? Таны өмнөөс би тийм гэж хариулахад бэлэн байна. Учир нь би ч бас яагаад татгалзах хэрэгтэй вэ гэдгийг мэдэхээсээ өмнө өдөрт дор хаяж 500 мл кола уудаг байлаа. Тэгвэл одоо танд коланаас татгалзах ёстой гурван чухал шалтгааныг шинжлэх ухааны үндэслэлтэйгээр тайлбарлая. Үүнээс олон шалтгаан байгаа ч хамгийн чухлыг нь онцолсныг битгий мартаарай.

1. Колаг задлах үед гардаг хий /та бидний нэрлэдгээр газ/ бол нүүрсхүчлийн хий. Нүүрсхүчлийн хий химийн бүтцийнхээ хувьд кальцитай нэгдэн кальцийн карбонат хэмээх нэгдлийг үүсгэдэг. Нэгэнт таны биед орсон нүүрсхүчлийн хий ясан дахь кальцинаас тань авч уг нэгдлээ үүсгэнэ. Ингээд таны ясанд байх ёстой кальцийн хэмжээ буурснаар ясны сийрэгжилт өвчин үүсэж, яс амархан хугарч гэмтдэг болдог байна.

2. 400 мл коланд 100 гр сахар агуулагддаг. Өнгө нь л хувирсан болохоос гурван цагаан хорын нэг тэнд агуулагдаж байна. Хэрэгцээнээсээ илүү сахар хүний биед орсноор яаж өөх тос болон хувирдаг талаар гурван бичгийн цаас дүүрэн биохимийн томъёог анагаахын бага курсэд байхдаа би цээжилж байлаа. Тэдгээр өөх тос хуримтлагдсанаар таргалалт үүснэ. Харин таргалалт бол бүх өвчний үндэс гэдгийг та мэднэ шүү дээ.

3. Кола бол донтуулагч. Элсэн чихрээр дүүрэн кола хүний биед орсноор тархи допамин болон серотонин хэмээх биологийн идэвхит бодис ялгаруулдаг нь сэтгэл санааны байдлыг дээшлүүлдэг ч нөгөө талаараа тархины “nucleus accumbens” гэх донтолтод оруулдаг тархины хэсгийг идэвхжүүлдэг. Сонирхуулж хэлэхэд хүмүүс яг энэ замаар л мансуурах бодисонд донтдог гэнэ. Иймээс та яг одоо л татгалзаж эхлэхгүй юм бол улам донтсоор л байх болно.

М.Цэнгэл

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

ЭМЯ: Дундаж наслалтыг 2030 онд 78, 2050 онд 82 хүргэнэ

“Тогтвортой хөгжлийн зорилт ба эрүүл мэндийн салбарын хүний нөөцийг бэхжүүлэхэд олон нийтийн оролцо

2022-09-29

Сургуулийн орчинд хадгалах болон хэрэглэх хугацаа хэтэрсэн хүнсний бүтээгдэхүүн худалдаалсан 215 зөрчлийг арилгуулжээ

Мэргэжлийн хяналтын байгууллагаас сургуулийн орчинд худалдаалагдаж буй хүнсний бүтээгдэхүүний чанар

2022-09-27

СЭРЭМЖЛҮҮЛЭГ: Ховд аймагт тарваган тахал бүртгэгдлээ

2022 оны есдүгээр сарын 11-ний өдөр Ховд аймгийн Цэцэг сумаас тарваган тахлын хүний өвчлөлийн сэжи

2022-09-14