Монголын үндэсний бөхийн холбооноос энэ сард болох барилдааны хуваарийг гаргажээ. “Үндэсний бөх ба спортын шинжлэх ухаан” сургалтаар энэ долоо хоногт Бөхийн өргөөнд болох арга хэмжээ эхэлнэ.

Харин бямба гарагт Ардчилсан хувьсгалын 35 жил, Ардчиллын төлөөх намууд нэгдсэний 25 жилийн ойд зориулсан улс, аймаг, цэрэг, сумын цолтой болон залуу 128 бөхийн, ням гарагт Эх, хүүхдийн эрүүл мэндийн төвийн нэрэмжит хандивын улс, аймаг, цэрэг, сумын цолтой 256 бөхийн барилдаан болно. Мөн Бөхийн холбооны Алтан цомын гурав, дөрөвдүгээр тойргийн барилдаантай. Энэ сарын хамгийн онцлох барилдаан оны өмнө болно.

Тодруулбал, Үндэсний эрх чөлөө, тусгаар тогтнолоо сэргээн мандуулсны 114 жилийн ойд зориулсан Ерөнхийлөгчийн цомын төлөөх чансаа өндөр 128 бөхийн барилдаан арванхоёрдугаар сарын 29-ний өдөр болж энэ оны барилдаан өндөрлөнө. 

Энэ сарын барилдааны хуваарь:

– 12.05 –  “Үндэсний бөх ба спортын шинжлэх ухаан” сургалт

– 12.06 – Ардчилсан хувьсгалын 35 жил, Ардчиллын төлөөх намууд нэгдсэний 25 жилийн ойд зориулсан улс, аймаг, цэрэг, сумын цолтой болон залуу 128 бөхийн барилдаан,

– 12.07 – Эх, хүүхдийн эрүүл мэндийн төвийн нэрэмжит хандивын улс, аймаг, цэрэг, сумын цолтой 256 бөхийн барилдаан,

– 12.13 – Сумын цолтон болон залуу бөхчүүдийн ээлжит барилдаан,

– 12.14 – Монголын Үндэсний Бөхийн Холбооны Алтан цомын барилдаан /гуравдугаар тойргийн сүүлийн хагас/,

– 12.20 – Монголын Үндэсний Бөхийн Холбооны Алтан цомын барилдаан /дөрөвдүгээр тойрог/,

– 12.21 – Монголын Үндэсний Бөхийн Холбооны Алтан цомын барилдаан /дөрөвдүгээр тойрог/

– 12.27 – Аймаг, цэрэг, сумын цолтой болон залуу бөхчүүдийн ээлжит барилдаан,

– 12.29 – Үндэсний эрх чөлөө, тусгаар тогтнолоо сэргээн мандуулсны 114 жилийн ойд зориулсан Ерөнхийлөгчийн цомын төлөөх чансаа өндөр 128 бөхийн барилдаан