Засгийн газрын өнөөдрийн ээлжит бус хуралдаанаар хошууч генерал Ж.Болдыг Цагдаагийн ерөнхий газрын даргаар томиллоо.
Тэрээр өмнө нь ЦЕГ-ын даргаар ажиллаж байсан бөгөөд өнгөрсөн зургаадугаар сараас хойш Ерөнхий сайд Г.Занданшатарын зөвлөхөөр ажилласан юм.
2021 оны долдугаар сарын 10-нд Монгол Улсын Ерөнхийлөгч У.Хүрэлсүхээс цэргийн дээд цол буюу генерал цол хүртэж байсан түүний намтрыг танилцуулъя.
- 1976 онд Хэнтий аймагт төрсөн.
- Эрх зүйч мэргэжилтэй.
- 1996-2001 он хүртэл Хэнтий аймгийн Цагдаагийн газарт мөрдөн байцаагчаар ажиллаж байсан.
- 2002-2014 онд Мөрдөн байцаах газарт ахлах мөрдөн байцаагч, Чиглэлийн ахлах мөрдөн байцаагч, Зохион байгуулалттай гэмт хэрэг мөрдөх хэлтэст мөрдөн байцаах тасгийн дарга,
- 2014 оноос 2015 оны арваннэгдүгээр сар хүртэл Зохион байгуулалттай гэмт хэрэгтэй тэмцэх газарт тасгийн дарга, Хар тамхи, мансууруулах бодистой холбоотой хэрэгтэй тэмцэх хэлтэст Мөрдөн байцаах тасгийн даргаар ажиллаж байжээ.
- Мөн 2015-2017 онд Эрүүгийн цагдаагийн газрын Хар тамхитай тэмцэх хэлтсийн хоёрдугаар тасагт Мөрдөн байцаах тасгийн дарга,
- 2017 оны гуравдугаар сараас Эрүүгийн Цагдаагийн албаны Зохион байгуулалттай гэмт хэрэгтэй тэмцэх хэлтсийн хоёрдугаар тасагт мөрдөх тасгийн дарга,
- 2017 оны зургадугаар сараас Хэнтий аймаг дахь Цагдаагийн газрын даргаар томилогдон ажиллаж байжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй