Ромын католик шашны тэргүүнийг сонгох чуулган маргааш эхэлнэ. Дэлхийн өнцөг булан бүрээс ирсэн 135 кардинал Пап лам агсан Францисын залгамжлагчийг сонгох чуулганы үеэр Ватиканы барилга байгууламжуудад гар утасны сүлжээг хязгаарлана гэдгийг Гэгээн ширээт улсын захиргаанаас мэдэгдсэн байна.
Ватиканы нутаг дэвсгэрт байгаа гар утасны дохио дамжуулах бүх системийг тавдугаар сарын 7-ны 15:00 цагаас эхлэн идэвхгүй болгож, шинэ пап сонгогдсон тухай зарлах мөчид сүлжээг сэргээх гэнэ. Гэхдээ сүсэгтнүүд олноор цугладаг Гэгээн Петрийн талбайд энэ журам үйлчлэхгүй гэдгийг Ватиканы хэвлэлийн төлөөлөгч Маттео Бруни сэтгүүлчдэд мэдэгджээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй