Ард түмний штабын тэргүүн Б.Жагар цар тахлын улмаас ААН-үүдийн үйл ажиллагаа доголдож, орлого буурч тасарсан үед шатахууны үнийг литр тутамд 300 төгрөгөөр нэмснийг нэн даруй буулгах шаардлагыг Ерөнхий сайд Л.Оюун-Эрдэнэд хүргүүллээ.
Тэрбээр “2021 оны долдугаар сарын 2-ны орой шатахуун түгээх газрууд нэгэн зэрэг шатахууны үнээ литр тутамд 300 төгрөгөөр нэмж, цар тахлын улмаас орлого нь буурсан, зогссон энэ үед иргэдийн нуруун дээр дахин ачаа нэмснийг эсэргүүцэж байна.
Энэ бол зөвхөн шатахууны үнийн өсөлт биш цаашдаа бүх өргөн хэрэглээний барааны суурь үнэд нөлөөлнө.
Иймд Засгийн газар Үндсэн хуулийн 16, 19-дүгээр зүйлийн холбогдох заалтуудын дагуу зохицуулалт хийж, литр тутамд нэмэгдсэн үнийг 48 цагийн дотор зохицуулалт хийж буулгахыг шаардаж байна.
Таны авч байгаа 500 мянган төгрөгийн цалингаас талыг нь зохиомол үнийн хөөрөгдлөөр үрэн таран хийх гэж байна.
Энэ бол зөвхөн миний шаардлага биш, 10 хүрэхгүй цагийн хугацаанд 500 мянган иргэд цахимаар гарын үсгээ цуглуулсан” гэсэн юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэлтэй
Ард түмний штаб ч гэх шиг, суганы үс чинь