“Ковид-19” буюу шинэ төрлийн коронавирүсийн халдварын голомт болоод буй Ухань хотын эмнэлгийн дарга Лю-г уг өвчний халдварын улмаас “Нас барсан”, “Нас бараагүй, амьд байгаа” гэх мэдээлэл сүүлийн нэг өдрийн турш гарч, олон нийтийг төөрөгдүүлээд байсан.
Хубэй мужийн эрүүл мэндийн хороо сошиал хуудсандаа Лю даргыг өнгөрсөн шөнө нас барсан тухай анх мэдээлсэн ч дараа нь энэ мэдээллээ үгүйсгэж, түүнийг амьд байгаа тухай дахин мэдээлсэн.
Харин өнөөдөр Хятадын төв телевизийн /CCTV/ сошиал хуудсанд Лю захирлыг нас барсан тухай мэдээлжээ. Тэрээр өнөөдөр 10:30 цагт коронавирүсийн /Covid-19/ халдварын улмаас нас баржээ.
Өнгөрсөн баасан гарагийн байдлаар коронавирүсийн голомт дээр ажиллаж байгаа 1716 эмч, сувилагч халдвар авснаас зургаа нь нас барсан талаар мэдээлэгдээд байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй