Бүх нийтийн бэлэн байдлын зэрэгт шилжүүлж, хөл хорио тогтоохоос өмнө самар түүхээр явсан 2000 гаруй иргэн бий гэсэн мэдээлэл бий. Тэгвэл хөл хорионы улмаас гацаад байсан эдгээр иргэд гэртээ ирэх нь.
УИХ-ын гишүүн Б.Жавхлангийн “Сэлэнгэ аймгийн нутагт самарт яваад, ууланд хоригдсон 2000 гаруй иргэн маш хүнд байдалд байна. Дархан-Уул аймгийн 200 орчим иргэн Сэлэнгэд байгаа гэсэн тоог гаргасан. Эдгээр иргэдийг газар дээр нь шинжилгээ аваад, гэрт нь авчрах боломж байгаа юу” гэсэн асуултад Шадар сайд Я.Содбаатар “21 аймгаас энэ жил 7497 хүн самарт явсан байна.
Овог нэрээрээ цагдаагийн байгууллага дээр бүртгэлтэй байгаа. Өнөөдрийн байдлаар Сэлэнгэ аймгийн Мандал сумын нутагт 1600 орчим хүн, Сэлэнгэ аймгийн Хүдэр сумын нутагт 682 хүн уулнаас бууж ирсэн байна.
Өнөөдрөөс түргэвчилсэн шинжилгээ хийгээд эдгээр иргэнийг Улаанбаатар хот болон аймгууд руу явуулж байгаа. Өнөө орой вагоноор 600 гаруй иргэн Улаанбаатарт орж ирнэ. Энд авчраад тодорхой байршилд тухайн хүмүүсийн шинжилгээг авна. Дархан-Уул, Сэлэнгэ аймгийн тухайд ч бас хуваариуд гарсан байгаа” гэж хариулав.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэлтэй
Одоо бусад үлдсэн хүмүүс яах юм бол манай нөхөр байгаа юмаа ямар ч холбоогүй