Энэ сарын 7-нд Монгол Улсад айлчлал хийх ёстой байсан АНУ-ын төрийн нарийн бичгийн дарга Майк Помпеогийн айлчлал хойшилжээ.
ГХЯ энэ тухай өөрийн албан ёсны хуудсаар дамжуулан “Дэд сайд Б.Мөнхжин, АНУ-ын Элчин сайд М.Клечески нар уулзаж байна. Ирэх долоо хоногт Монгол Улсад болон БНСУ-д хийхээр төлөвлөж байсан АНУ-ын Төрийн нарийн бичгийн дарга Майк Помпеогийн айлчлал үүсээд байгаа нөхцөл байдалтай холбогдуулан хойшлогдохоор боллоо” хэмээн мэдээлжээ.
Гурван өдрийн өмнө Хорватаас Вашингтон руу нисэхийнхээ өмнө сэтгүүлчидтэй уулзахдаа АНУ-ын Төрийн нарийн бичгийн дарга “Азийн орнуудад хийх айлчлал төлөвлөсний дагуу болно” хэмээн хэлсэн билээ.
Майк Помпео энэ удаа Япон, Монгол, Өмнөд Солонгост айлчлахаар төлөвлөж байсан юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй