УИХ-ын гишүүн Н.Номтойбаярын бүрэн эрхийг түдгэлзүүлэх эсэх асуудал өнөөдөр УИХ-ын хэлэлцүүлэгт явж байгаа. Баасан гарагт хуралдсан Халдашгүй байдлын дэд хорооны хурлаас “Бүрэн эрхийг түдгэлзүүлэх нь зүйтэй” гэдэг шийдвэр гарсан ч өчигдөр хуралдсан Төрийн байгуулалт, Хууль зүйн байнгын хороод “түдгэлзүүлэх шаардлагагүй” гэж үзсэн билээ. Маргааш уг асуудлыг чуулганы нэгдсэн хуралдаанаар хэлэлцэж, эцсийн шийдвэрийг гаргах ёстой.
Гэвч өнөөдөр МАН-ын Хяналтын ерөнхий хороо хуралдаж, Н.Номтойбаяр гишүүнийг МАН-ын гишүүнээс хасах шийдвэр гаргажээ. Нэг үгээр намаасаа хөөж буй хэрэг. Гэхдээ энэ шийтгэл түүний шалгагдаж буй эрүүгийн хэрэг, бүрэн эрхийг нь түдгэлзүүлэн шалгах тухай прокурорын саналтай огт холбоогүй хэмээн МАН-ын Хяналтын ерөнхий хороо тайлбарлаж байна.
Тодруулбал, Н.Номтойбаяр гишүүний зодоон цохион хийж буй бичлэг /өөрөө ч үүнийгээ хүлээн зөвшөөрч, телевизийн камерын өмнө буруугаа хүлээн уучлалт гуйж харагдсан/ нийгмийн сүлжээгээр цацагдсантай холбоотойгоор “Олон нийтийн газар биеэ зохисгүй авч явсан” хэмээн намаас хөөж байгаа юм байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй