Өөрийн гэсэн этгээд ёжтой яриа, стилээрээ үзэгчдийг байлдан дагуулж, муухан хошин шогоос дээр хөгжөөн баясгачихдаг нь Буян Жагаагийн нэг давуу тал. Телевизийн эфирийн үеэр гишүүн асан Л.Гүндалайтай зодолдохыг шахсан, дуучин Наратай сошиалд үг хаялцсан гээд энэ хүнээс гарах араншин дэндүү олон бас содон. Сүүлдээ бүр хоолны нэвтрүүлэгт орчихсон тууж явсан. “NTV” телевизийн “Ахлах тогоочийн заавраар” нэвтрүүлэгт загвар өмсөгч Балжидмаагийн хамт оролцсоныг та санаж буй байх.
Түүний өвөө Булган аймгийн Хөгнө хааны хүрээний том лам байсан гэдэг. Тиймдээ ч тэр үү өөрөө шүтлэггүй атлаа Мэгжид Жанрайсиг бурханыг бүтээхэд 14 сая төгрөг хандивлаж Гандан хийдэд “Кадиллак” машин бэлэглэж байсан гэх юм билээ.
Энэ элдэвтэй эрийн гол хобби нь шоу тоглолт. Киркоров, Дижэй Бобо, Модерн Токингийг Монголчуудтай уулзуулсан “буян“-тай. Тэр алтан агшнуудын нэгийг та харж байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй