УИХ-ын гишүүн, Хууль зүйн сайд асан Х.Тэмүүжин энэ удаагийн сонгуулиар Төв аймагт нэр дэвшихээр болжээ. Түүнтэй хамт АН-ын ерөнхий нарийн бичгийн дарга Ц.Туваан, ҮБХ-ны гишүүн Д.Эрдэнэсувд нар тус тойрогт нэр дэвшиж өрсөлдөх гэнэ.
АН-ын гурван нэр дэвшигчийн хувьд гурвуулаа тус аймгаас гаралтай, нэг нутаг усны хүмүүс. Ц.Туваан, Д.Эрдэнэсувд нарын хувьд анх удаагаа УИХ-ын сонгуульд нэр дэвшиж байгаа бол Х.Тэмүүжиний хувьд дөрөв дэх удаагийн сонгууль.
Өмнө нь хоёр удаа УИХ-д сонгогдохдоо 2008 онд Баянголын тойргоос, 2012 онд УИХ-ын сонгуулийг холимог буюу хувь тэнцүүлсэн, мажоритари хосолсон хэлбэрээр явуулахад Х.Тэмүүжин АН-ын жагсаалтын дөрөвдүгээрт бичигдэж, УИХ-ын гишүүнээр сонгогдон Н.Алтанхуягийн Засгийн газарт Хууль зүйн сайдын албан тушаал хашиж байсан билээ.
Харин өнгөрөгч 2016 оны сонгуулиар Сүхбаатар дүүрэгт нэр дэвшин МАН-аас нэр дэвшсэн Ц.Мөнх-Оргилд өвдөг шороодсон юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй