УИХ-ын ээлжит сонгуульд оролцох нам, эвслүүд дөрөвдүгээр сарын 25-аас өмнө Сонгуулийн ерөнхий хороонд хүсэлтээ хүргүүлэхээр хуульд заасан. Энэ дагуу улс төрийн нам, эвслүүд 2020 оны УИХ-ын ээлжит сонгуульд оролцох хүсэлтээ СЕХ-нд өнөөдрөөс хүргүүлж эхлээд байна.
Өнөөдрийн байдлаар Эх Орончдын Нэгдсэн нам, Эрх Чөлөөг Хэрэгжүүлэгч нам, Их Эв нам, Зон Олны нам болон Дэлхийн Монголчууд намууд Үндсэн хууль, УИХ-ын сонгуулийн тухай хууль, бусад хууль тогтоомжийг дагаж мөрдөхөө илэрхийлэн, сонгуульд оролцох тухай хүсэлтээ холбогдох баримт бичгийн хамт СЕХ-нд хүргүүлжээ.
СЕХ нам, эвслээс баримт бичгийг нь хүлээн авахдаа Монгол Улсад мөрдөж буй хорио цээрийн дэглэмийг баримталж, олон хүний бөөгнөрөл үүсгэхгүйн тулд хуваарь гарган нам, эвсэл тус бүрээс хоёроос илүүгүй төлөөлөл ирж баримт бичгээ хүлээлгэн өгөх, СЕХ-ны байранд нэвтрэхээс өмнө асуумж бөглөх, ариутгал, халдвар хамгааллын тодорхой дэглэм баримтлах талаар нам, эвслийн ажилтнуудад урьдчилан мэдэгдсэн байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй