Бүгд найрамдах Киргиз улсын Бишкек хотод болж буй чөлөөт бөхийн насанд хүрэгчдийн Ази тивийн аварга шалгаруулах тэмцээн өнөөдөр гурав дахь өдрөө үргэлжилнэ.
Өчигдөр эмэгтэйчүүдийн 50, 55, 59, 68, 76 кг-ын жингийн медалийн төлөөх барилдаанууд болсон ба манай бөхчүүдээс 76 кг-д Э.Даваанасан алтан медаль хүртсэн. Тэрбээр финалын барилдаанд ДАШТ-ий хошой мөнгө, нэг хүрэл медальт, Азийн наадмын аварга, Кыргызстаны бөх Айпери Медет Кызыг буулгаж авсан юм.
Мөн 55 кг-д О.Ариунзаяа, 68 кг-д Э.Дэлгэрмаа нар хүрэл медаль хүртлээ. Эмэгтэйчүүдийн багийн дүнг Японы баг хоёр алтан медальтай тэргүүлж эхэлсэн бол БНХАУ, Кыргызстан, Монголын баг нэг алтан медальтайгаар удаалж байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй