ҮСХ: Хамгийн урт нэртэй ахмадын нэр Доржсүрэнжанцанхорлоонэргүйбаатар

Маргааш Олон улсын ахмадын баярын өдөр. Энэ өдрийг угтан Үндэсний статистикийн хорооноос ахмад настнуудын талаарх статистик мэдээллийг танилцуулав.

Тус мэдээлэлд дурдсанаар, Монгол Улсын нийт хүн амын 9.0 хувийг ахмадууд эзэлж байгаа ба тэдний 40.2 хувь нь эрэгтэй, 59.8 хувь нь эмэгтэй байна. Мөн ахмадуудын 31.3 хувь нь хөдөө орон нутагт, үлдсэн 68.7 хувь нь Улаанбаатар хотод оршин сууж байна.

Ахмадын баярын өдөр буюу 10 дугаар сарын 01-ний өдөр төрсөн 1350 ахмад байгаагийн 547 эрэгтэй, 803 нь эмэгтэй. Хамгийн өндөр настай ахмад нь 107 настай /эмэгтэй/ байна.

Түүнчлэн хамгийн урт нэртэй ахмадын нэр Доржсүрэнжанцанхорлоонэргүйбаатар гэнэ шүү. Харин хамгийн түгээмэл нэр нь Оюунчимэг аж.

Улсын хэмжээнд хамгийн өндөр настай иргэн 107 настай байгаа талаар Үндэсний статистикийн хорооноос мэдээллээ.