Саудын Арабын Эр-Рияд хотноо зохион байгуулж буй цахим спортын “Counter Strike 2” тоглоомын Esports World Cup 2025 тэмцээнд манай улсын “The MongolZ” баг хэрхэн өрсөлдөж байгаа тухай мэдээг бид тогтмол хүргэж байгаа билээ.
Манай улсын “The MongolZ” баг шөвгийн наймд Францын “3DMAX” багтай “ВОЗ” (гурван “тар”- аар ялагчийг тодруулах) журмаар тоглож, 2:1 онооны харьцаатай ялалт байгуулсан байна.
Ингэснээр “The MongolZ” баг тус тэмцээний шөвгийн дөрөвт шалгарлаа. Шөвгийн дөрөвт Францын “Team Vitality” багийн эсрэг энэ долоо хоногийн Бямба гарагийн 22:30 цагт тоглох урьдчилсан хуваарь гарчээ.
Тэмцээний нийт шагналын сан 1.2 сая ам.доллар ба зохион байгуулагчид түрүүлсэн багт 500,000, хоёрдугаар байрт 230,000, гуравдугаар байрт 130,000 ам.долларын шагнал өгөхөөр төсөвлөөд байгаа аж.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй