Ж.Чинбүрэн: СЭМҮТ-ийн удирдлагууд 478 сая төгрөгийг 24 цагийн дотор эмнэлгийн данснаас гаргаж авсан…

2025-08-05 1432 12
Эрүүл мэндийн сайд Ж.Чинбүрэн Сэтгэцийн эрүүл мэндийн үндэсний төвийн үйл ажиллагаатай холбоотой мэдээлэл хийлээ. Тус газарт Авлигатай тэмцэх газраас шалгалт хийж, хэд хэдэн ноцтой зөрчлийг илрүүлсэн байна. Тодруулбал, сүүлийн таван жилд СЭМҮТ-ийн удирдлагууд даатгалын сангаас орж ирдэг татвар төлөгчдийн мөнгийг хувьдаа, хамаарал бүхий компаниуд руу шилжүүлж авчээ. 
Сайдын мэдээлснээр, 2024 оны арваннэгдүгээр сард иргэнээс Авлигатай тэмцэх газарт гаргасан гомдлын дагуу Сэтгэцийн эрүүл мэндийн үндэсний төв (СЭМҮТ)-ийн төлбөртэй тусламж үйлчилгээтэй холбоотой асуудлыг шалгасан байна. Гомдлын мөрөөр ЭМЯ-наас санхүүгийн хяналт шалгалт хийж, гэмт хэргийн шинжтэй нөхцөл байдал илэрсэн тул 2025 оны хоёрдугаар сараас Цагдаагийн ерөнхий газартай хамтран санхүүгийн нарийвчилсан шалгалт хийжээ.
 Шалгалтаар:
  • Төлбөртэй тусламж үйлчилгээ авсан иргэдэд төлбөрийн баримт олгодоггүй.
  • Иргэдээс авсан мөнгийг шууд СЭМҮТ-ийн данс руу бус өөр данс руу шилжүүлдэг.
  • 2022-2024 онд нийт 527.8 сая төгрөгийн ор хоногийн төлбөрийг иргэдийг “цагтаа ирээгүй”, өөрөөр хэлбэл эмнэлэгт хэвтээгүй гэж цуцалснаас 478,9 сая төгрөгийн цуцлалтыг хуурамчаар үйлдсэн. Энэ мөнгийг СЭМҮТ дарга нар доод ажилтнуудтайгаа хуйвалдан бэлнээр гаргаж авах эсхүл хувийн дансанд шилжүүлж авдаг нь эхний байдлаар тогтоогдсон аж. Энэ үйлдэл нь нэг хоёрхон жил биш таваас дээш жилийн хугацаанд үргэлжилсэн нь тогтоогдсон байна. 
Түүгээр ч зогсохгүй хоол тэжээлийн илчлэг, хүрэлцээ хангалтгүйн улмаас хэвтэн эмчлүүлж буй иргэдийн 80 хувь нь сүүлийн нэг сарын хугацаанд дунджаар 2.85 кг жин хаясан, 53 ортой тасагт 70-80 хүн хэвтүүлэх, 1 орон дээр 2 хүн унтуулах, газар хэвтүүлэн эмчлэх, эрэгтэй, эмэгтэй 53 хүнд зөвхөн нэг суултууртай бие засах газар байсан зэрэг зөрчлүүд шалгалтаар илэрсэн байна. 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Б.Чойжилсүрэн: Нойр муутай явж байгаад Эрчим хүчний сайдын багцыг “Миний багц” гэж хэлсэндээ хүлцэл өчье

Эрчим хүчний сайд Б.Чойжилсүрэн цаг үеийн асуудлаар мэдээлэл өглөө. Түүнийг Увс аймгийн 100 жилийн о

2025-08-07

Ж.Чинбүрэн: СЭМҮТ-ийн удирдлагууд 478 сая төгрөгийг 24 цагийн дотор эмнэлгийн данснаас гаргаж авсан…

Эрүүл мэндийн сайд Ж.Чинбүрэн Сэтгэцийн эрүүл мэндийн үндэсний төвийн үйл ажиллагаатай холбоот

2025-08-05

Шинэ хичээлийн жилийн бүтцээр өвлийн амралтыг нэг долоо хоногоор сунгажээ

Боловсролын Яамнаас 2025-2026 оны хичээлийн жилийн бүтцийг  танилцууллаа. Хичээлийн жил гурван улирл

2025-08-04

© 2018 - 2025 Бүх эрх хуулиар хамгаалагдсан.