Ерөнхий сайд Л.Оюун-Эрдэнэд итгэл хүлээлгэхээс татгалзснаар Засгийн газар бүрэн бүрэлдэхүүнээрээ огцроод байгаа.

Үндсэн хуульд зааснаар дараагийн Ерөнхий сайдыг 30 хоногийн дотор томилох ёстой. Өөрөөр хэлбэл, шинэ Ерөнхий сайдыг ирэх сарын 3-ны өдрөөс өмнө томилно гэсэн үг. Өнөөдөр болсон МАН-ын удирдах зөвлөлийн хурлаар Ерөнхий сайдын томилгоог хэлэлцэнэ гэсэн хүлээлттэй байсан ч Бага хурлынхаа товыг дуулгав.

Энэ сарын 9 буюу ирэх даваа гарагт МАН Бага хурлаа хуралдуулснаар шинэ Ерөнхий сайдын нэр тодорхой болох бололтой.