Шинэ үндсэн хууль батлагдсаны 33 жилийн ойд зориулсан хүчит 128 бөхийн барилдаан өнөөдөр 13 цагаас эхэлнэ.
2025 оны эхний барилдаан болох тус барилдаанд дархан аварга Н.Батсуурь, улсын арслан Б.Орхонбаяр, Ц.Бямба-Отгон тэргүүтэй бөхчүүд оролцохоор бүртгүүлжээ. МҮБХ-оос 2025 оны 01-р сараас Монгол бөхийн өргөөнд зохион байгуулагдах нэр бүхий 16 барилдаанд бөхчүүдийн чансааг харгалзан барилдуулахаар шийдвэрлэсэн.
Барилдах бөхчүүд нь дараах журмын дагуу барилдаанд оролцоно. Үүнд:
- Улсын цолтой бөхчүүд нэр бүхий 16 барилдаан болон уламжлалт барилдаануудад шууд орно;
- Аймгийн цолтнууд чансаагаар улс, аймгийн цолтны шинэ хэлбэрийн 128 бөхийн барилдаанд оролцоно;
- Уламжлалт болон аймаг цэргийн цолтнуудын барилдаанд эрэмбийн дагуу оролцоно;
- Сумын цолтон ба залуу бөхчүүд намрын улирлаас хойш зохиосон барилдаануудад гаргасан амжилтын чансаагаар оролцоно. Уламжлалт болон, аймаг цэрэг мөн сумын цолтны барилдаандаа эрэмбийн дагуу оролцоно;
- Аймаг цэргийн цолтны тухайн сарын барилдаандаа шөвгийн 4-т (8-д) шалгарсан бөхчүүд шинэ хэлбэрийн барилдаанд шууд оролцоно;
- Сумын цолтон ба залуу бөхчүүд тухайн сарын барилдаандаа шөвгийн 8-д (16-д. Энэ нь бүртгүүлж буй барилдаанд нь бүртгүүлсэн улсын цолтны тооноос хамаарах) шалгарсан бөхчүүд шинэ хэлбэрийн барилдаанд оролцож чансааны оноогоо нэмэх боломжтой.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй