Ардын жүжигчин, Төрийн соёрхолт, Хөдөлмөрийн баатар, Зууны манлай уртын дуучин Намжилын Норовбанзадын дүр бүхий “Н.Норовбанзад” 2 унцын дурсгалын мөнгөн зоосыг худалдаанд гаргажээ. Монгол-Япон улсын соёлын харилцааны гэрээ байгуулсны 50 жилийн ойн хүрээнд “Н.Норовбанзад” дурсгалын зоосны нээлтийн үйл ажиллагааг Монголбанкны Эрдэнэсийн сангийн мөнгөн тэмдэгтийн танхимд зохион байгууллаа.
Монголбанкнаас улс орны түүхэн үйл явдал, алдар цуут хүмүүс, өв соёл, спортын амжилт үзүүлсэн гавьяатнуудыг онцлон дурсгалын зоос гаргадаг уламжлалтай. “Намжилын Норовбанзад” дурсгалын мөнгөн зоосыг 2 унц буюу 62.2 гр жинтэй, 38.61 мм диаметртэй, смартминтинг, хай рилийф (Smartminting, High Relief) технологиор Койн Инвест Траст компанид үйлдвэрлэжээ.
Мөн Монголбанкны Эрдэнэсийн сангаас жил бүр эрхлэн гаргадаг “12 жил” цувралын “Могой жил” мөнгөн дурсгалын зоосыг монгол уламжлалт аргаар баруун гартаа галын дөлийг бадрааснаар дүрсэлж, Smartminting, High Relief технологиор үйлдвэрлүүлсэн бөгөөд “Могой жил” франчайз зоос 3 төрөл, “Лихтенштэйн 100 жил”, “Эргэлт”, “Үлэг гүрвэл Aves” зэрэг дурсгалын зоосыг шинээр худалдаанд гаргасан байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэлтэй
BWER Company is committed to advancing Iraq’s industrial sector with premium weighbridge systems, tailored designs, and cutting-edge technology to meet the most demanding applications.