Залуу өөрийгөө нас барсан гэдгийг мэдээд бурхан түүн рүү ойртон ирж явахыг харлаа. Бурхан гартаа нэгэн чемодан барьсан байв.
-За хүү минь явах цаг боллоо. Гайхаж балмагдсан залуу “Одоо юу. Ийм хурдан уу. Надад хийж дуусгах, төлөвлөсөн зүйл зөндөө байна…” гэж хариу хэлэхэд бурхан “Уучлаарай хүү минь явах цаг болсон байна” гэв. Гэтэл залуу таны гарт байгаа наад чемоданд юу байгаа юм бэ хэмээн бурханаас асуув. Бурхан “Чиний юмнууд” гэхэд залуу түүнтэй ийн ярилцжээ.
-Миний юмнууд аа? Миний мөнгө төгрөг, хувцас хунар, бусад эд зүйлс маань наад дотор чинь байгаа юм уу?
-Тэдгээр зүйлс чинийх биш шүү дээ. Тэд чинь дэлхийнх.
-Тэгвэл миний дурсамжууд юм уу?
-Дурсамж гэдэг чинийх биш шүү дээ. Тэр чинь тухайн цаг хугацааных.
-Тэгвэл наад чемоданд чинь миний авьяас чадвар байгаа юм уу?
-Үгүй ээ авьяас чадал гэдэг тухайн нөхцөл байдлынх байдаг.
-Тэгвэл миний гэр бүл, найз нөхөд байгаа юм уу?
-Үгүй дээ хүү минь. Тэд чинь амьдралын зам мөрт хамаардаг.
-Миний эхнэр хүү 2 минь?
-Үгүй дээ, тэд чиний сэтгэл зүрхэнд хамтдаа байдаг.
-Миний махан бие үү?
-Үгүй дээ чиний махан бие тоос болон замхрах учиртай.
-Энэ чемоданд тэгвэл миний зүрх сэтгэл байгаа юу?
-Хүү минь тэр чинь минийх шүү дээ гэсэн хариу өглөө. Айдаст автсан залуу бурхнаас чемоданыг авч амсрыг нээтэл юу ч байсангүй. Залуугийн нүднээс нулимс дуслан минийх гэх зүйл юу ч байгаагүй юм гэж үү дээ гэв. Бурхан:
-Тийм дээ, хүү минь. Чиний амьдарч байсан хором бүхэн л чинийх байсан юм. Амьдрал гэдэг өөрөө хором мөч байдаг. Тэр хором мөч бол чинийх л байдаг. Тийм л учраас өөртөө байгаа энэ хором мөчөөсөө амьдралын сайхныг мэдэр. Энэ сайхныг мэдрэхэд хэнийг ч, юуг ч чамд садаа болохыг бүү зөвшөөр. Өнөөдөртөө амьдар. Амьдарсан шиг амьдар. Аз жаргалтай бай. Тэр л чухал. Чиний өөрийн болгох гэдэг зүйлс материаллаг, материаллаг бус аль ч байсан бүгд л чамтай мөнх байхгүй. Чи энэ ертөнцөөс тэднийг аваад явахгүй. Үргэлж аз жаргалыг мэдэр, жаргалтай амьдар!
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэлтэй
ийм сургамжит үлгэрүүд оруулж байгаарай, гоё байна