Улсын онцгой комиссын Шуурхай штабаас ээлжит мэдээллээ хийх үеэр ЦЕГ-ын Нийтийн хэв журам сахиулах хэлтсийн дарга П.Эрдэнэбат сар шинийн үеэр орон нутагт хурдан морины уралдаан зохион байгуулсан талаар ярив. Тодруулбал, Завхан аймгийн Их-Уул сумын Хужирт гэх газарт хоёрдугаар сарын 25 буюу шинийн 2-ны өдөр нэр бүхий есөн хүн хурдан морины уралдаан зохион байгуулжээ. Тэдэнд Зөрчлийн тухай хуулийн дагуу тус бүр 150 мянган төгрөгийн торгууль оногдуулжээ.
Мөн Засгийн газрын тогтоол ба Улсын онцгой комиссын шийдвэрээр өндөржүүлсэн бэлэн байдлын хугацаанд цахим орчинд худал мэдээлэл тараасан, хорио цээр, хөдөлгөөний хязгаарлалтын дэглэм зөрчсөн 43 тохиолдлыг шалгаж, шийдвэрлэжээ.
Зөрчил үйлдсэн нийт 34 хүнд 6.950.000 төгрөгийн торгууль оногдуулсан байна. Түүнчлэн Эрүүгийн хуулийн тусгай ангийн 13.14. Худал мэдээлэл тараах гэсэн зүйл заалтын дагуу гэмт хэргийн шинжтэй 14 гомдол мэдээллийг шалгаж байгаа аж.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэлтэй
Тэд нарт энэ торгууль юу ч биш ахиухан торгох байсын