УИХ-ын хаврын ээлжит чуулганы өнөөдрийн хуралдаан эхэллээ.
УИХ-ын гишүүн Б.Пүрэвдорж:
Би сөрөг хүчнийхээ хувьд нэг ч гэсэн ахмадад илүү мөнгө өгөхийн төлөө явах байсан. Хэрэв МАН-ын сүйхээтэй гишүүн байсан бол 500 мянган төгрөгөөс 1 сая хүртэлх тэтгэврийг 15 хувиар, 1-2 саяын тэтгэврийг 10 хувиар, хоёр саяаас дээш тэтгэврийг таван хувиар нэмж тэтгэврийг зөрүүг холтгохгүйгээр асуудлыг шийдэх байсан.
Одоо цалингийн доод хэмжээ 420 мянган төгрөг байна. Ийм бага цалингаас тэтгэвэр бодуулахаар бага л тогтооно. Тэтгэврийг долоон биш таван жилийн дунджаар тогтоолгох хуулийг яаралтай хэлэлцэж өгөхийг хүсэж байна.
Уг хуулийн төслийг дөрөвдүгээр сард хэлэлцэх асуудлын жагсаалтад оруулахгүй бол тэмцэнэ. УИХ-ын даргын Баянхонгор, Ерөнхий сайдын Хэнтий аймагт жагсаал зохион байгуулна шүү.
Нийгмийн даатгалын багц хууль дээр тэтгэвэр тогтоолгох жилийг 10 жил болгоно гэж оруулсан. Тэгж ард түмнийхээ эсрэг юм хийж болохгүй.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй