БШУ-ны сайд Л.Энх-Амгалан өчигдөр үр дүнд суурилсан санхүүжилтын тогтолцоонд энэ сардаа багтан шилжинэ хэмээн мэдэгдсэн билээ. Тэр үеэрээ “Сайн багш өндөр цалин авч, муу багш бага цалин авдаг тогтолцоо руу шилжих шаардлагатай” хэмээсэн юм.
Харин тэрбээр ингэж хэлсэндээ багш нараас уучлалт гуйжээ. Сайд өөрийн нүүр номын хуудаснаа “Сурлагын ахиц гаргаж байгаа багш өндөр цалин авна. Тодорхой үр дүн харагдахгүй байгаа багш бага цалин авна гэдэг ажлын үр дүнд суурилсан тогтолцоо хамгийн зөв хандлага, шударга жишиг тогтооно. Багшийн ажлын үнэлэмж өндөр байх ёстой…
Гэхдээ хамгийн шударга зарчим бол үр дүнд суурилсан цалингийн тогтолцоо. Багшийн цалингийн доод жишгийг Засгийн газар баталсан. Одоо шатлалаар биш үр дүнгээр цалин нэмэгдэнэ.
Харин хэвлэлд ярилцлага өгөхдөө багш нараа сайн, муугаар нь ялгаж байгаа мэт ойлгогдохоор ярьсандаа уучлалт хүсье. Алдаа гаргасан бол залруулж, буруугаа хүлээх нь ёс зүйн хүлээх ёстой үүрэг минь юм” хэмээн бичжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэлтэй
Сурга гэсэн үндсэн шаардлага тавих ёстой болохоос багш нарыг ялгаж болохгүй. Муу бол ажлаас халах ёстрй