Х.Ариунаа: Салбарын сайд нь ажилчдынхаа цалинг нэмээд өг гэж нэг ч удаа хэлсэнгүй

2021-07-06 463 0

Монголын эрүүл мэндийн ажилтны үйлдвэрчний эвлэлийн холбооноос зөвхөн улаан бүсэд ажиллаж буй 16 мянган эмч, ажилчдын бус эрүүл мэндийн салбарын нийт 56 мянган эмч, ажилчдын үндсэн цалинг хоёр дахин нэмэгдүүлэх шаардлагыг Засгийн газарт хүргүүлсэн боловч шат шатандаа одоог хүртэл ямар ч хариу өгөөгүй тул салбарын төлөөлөл төв талбайд жагсаж эхлээд байгаа юм.

Тэд нэг удаагийн тэтгэмж хүсээгүй, улсын дундажтай адил цалин авахыг хүсэж байна. Халдвар авсан сувилагчид эргээд ажилдаа ороход нь 50 мянган төгрөгийн цалин өгч байна.

Гэтэл цалин нь халдварын эсрэг эм авахад хаанаа ч хүрэхгүй байгаа учраас зурагтаа зараад эмээ авч байна.

Монголын Эрүүл мэндийн ажилтны үйлдвэрчний эвлэлийн холбооны дарга Х.Ариунаа:Салбарын сайд нь ажилчдынхаа цалинг нэмээд өг гэж нэг ч удаа хэлсэнгүй.

Бид найман хоног төв талбай дээр суулт хийж байхад хэн ч ирсэнгүй. Өвчтөнөө эмчилж байсан 30 гаруй настай эмч өнөөдөр сэхээн амьдруулах тасагт хэвтэж байгаа. Өнөөдрийн байдлаар 3,000 гаруй эрүүл мэндийн ажилтан халдвар аваад байна.

Засгийн газар хуулиа биелүүлтэл, шаардлагынхаа хариуг автал бид эндээс явахгүй.

Түр хорооны дарга Их эмч н.Анхболд:

Цар тахал гарснаас хойш хэн ч хойш суугаагүй, хэн ч шантарсангүй. Улсын дундаж цалин эрүүл мэндийн салбарын дундаж цалингаас хоёр дахин илүү байна. Цар тахлын фронтод зогсож байгаа эмч нар өдөр, шөнөгүй, гурав дахин өндөр ачаалалтай ажиллаж байна. Ингэж их ажиллаж байж улсын дундажад хүрэхгүй цалин авч байгаа нь гутамшигтай байна.

Илүү цагийн урамшуулал байтугай цар тахалд өртсөний нөхөн олговор одоо хүртэл олгогдоогүй байна.

Хөдөлмөрийн хөлсний доод хэмжээнээс 30 мянган төгрөгийн илүү цалинтай хүмүүс манай салбарт маш олон байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Хувийн ААН-үүд байгаль орчны сорилтод жендэрийн мэдрэмжтэй хандлагыг дэмжих талаар хэлэлцлээ

Ази, Номхон далайн Уур амьсгалын үр нөлөөнд эмэгтэйчүүдийн манлайлал сэдэвт “Азийн хөгжлийн банкны Ж

2023-12-06

ЦЕГ: Сэтгүүлчийн мэргэжлийн үйл ажиллагаа бус, Н.Өнөрцэцэг гэдэг хувь хүнийг шалгаж байна

Сэтгүүлч Н.Өнөрцэцэгийг цагдан хорьсон асуудлаар ЦЕГ-ын Мөрдөн Байцаах Албанаас албан ёсны мэдээлэл

2023-12-05

Самар түүж явсан найман хүний нэг нь сураггүй алга болжээ

Сэлэнгэ аймаг, Ерөө суманд самар түүж явсан найман хүний нэг нь энэ сарын 9-ний 09:40 цагийн орчимд

2023-11-30