Өнөөдрөөр дуусаж байгаа өндөржүүлсэн бэлэн байдлын зэрэгт шилжүүлсэн хугацааг дахин хоёр сараар сунгалаа

2021-06-30 710 0

Засгийн газраас өнөөдрөөр буюу 2021 оны зургаадугаар сарын 30-ны өдрөөр дуусаж байгаа өндөржүүлсэн бэлэн байдлын зэрэгт шилжүүлсэн хугацааг дахин хоёр сараар сунгах шийдвэрийг гаргажээ.

Өнөөдрийн байдлаар, Архангай, Булган, Говь-Алтай, Говьсүмбэр, Дархан-Уул, Завхан, Орхон, Сэлэнгэ аймагт коронавируст халдвар хүн амын дунд тархсан буюу улаан түвшинд байна.

Олон улсад ялангуяа, манай хөрш ОХУ-д коронавируст халдварыг үүсгэгч альфа, бетта, дельта, БНХАУ-д альфа, бетта, гамма хувилбарын вирус бүртгэгдэж байна.
Дэлхийн хэмжээнд болон Монгол Улсад коронавируст халдварын цар тахлын тархалт буурахгүй, нэмэгдэж байгаатай холбогдуулан Дэлхийн эрүүл мэндийн байгууллага, Эрүүл мэндийн яам, эрдэмтдийн зөвлөмж, эрсдэлийн үнэлгээний багийн дүгнэлт зэргийг үндэслэн өндөржүүлсэн бэлэн байдлын зэргийг сунгажээ.

Хилийн зарим боомтын зорчигч тээврийн хөдөлгөөнийг түр зогсоосон хугацааг сунгалаа

Коронавируст халдварын цар тахлаас урьдчилан сэргийлэх, тэмцэх, эрсдэлийг бууруулах зорилгоор хилийн автозам, төмөр замын боомтоор улсын хил нэвтрэх зорчигч тээврийн хөдөлгөөнийг түр зогсоосон хугацааг олон улсын агаарын замын “Чингис хаан”, автозамын “Замын-Үүд”, “Алтанбулаг” боомтоос бусад боомтод 2021 оны наймдугаар сарын 31-нийг дуустал сунгалаа.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Фортуна Батбаярын охин Ардчилсан Эмэгтэйчүүдийн Холбооны ерөнхийлөгч боллоо

Ардчилсан намын дэргэдэх Ардчилсан Эмэгтэйчүүдийн Холбооны ээлжит ерөнхийлөгчөөр Батбаярын Жаргала

2023-09-26

Д.Амарбаясгалан: Монгол Улс олимпод цагаан туган дор оролцох эрсдэл үүсээд байна

Манай улс ирэх онд Франц улсад болох зуны олимпын наадамд "Цагаан туг"-ийн дор оролцох эрсдэл үүсээ

2023-09-20

УИХ-ын гишүүн асан Д.Гантулга дахин хүчингийн хэрэгт холбогджээ

УИХ-ын гишүүн асан Д.Гантулга дахин хүчингийн хэрэгт холбогджээ. Түүнийг Хан-Уул дүүргийн

2023-09-19