Р.Амаржаргал: Муу нэр нь хусавч арилахгүй этгээдийн башир аргад өртөж, гишүүдийнхээ урмыг хугалсандаа харамсаж байна

2021-05-02 212 0

АН өнгөрсөн оны төгсгөлөөр хоёр хуваагдаж, тус бүртээ дарга тодруулаад байгаа бол Ерөнхийлөгчид нэр дэвшигчдийг мөн тус бүртээ тодруулаад байна. М.Тулгат даргатай С.Эрдэнийн АН-аас намын дотоод сонгуульд С.Эрдэнэ 1,953.05 оноогоор тэргүүлэн Ерөнхийлөгчид нэр дэвшигчээр тодорсон байна.

О.Цогтгэрэл даргатай Ц.Тувааны АН-аас УИХ-ын гишүүн Н.Алтанхуяг тодроод байна.

АН-аас Ерөнхийлөгчид нэр дэвшүүлэх дотоод сунгаанд С.Эрдэнэтэй өрсөлдсөн Ерөнхий сайд асан Р.Амаржаргал мэдэгдэл гаргажээ.

Р.Амаржаргал “АН-ын дотоод сунгаа шударга болно гэдэгт намайг даган мөн итгэж, цахим санал хураалтад идэвхтэй оролцож дэмжсэн та бүхэнд талархал илэрхийлэхийн ялдамд миний бие муу нэр нь хусавч арилахгүй этгээдийн башир аргад өртөж, Ардчилсан намын олон мянган шударга гишүүдийнхээ урмыг хугалсандаа тун харамсан хүлцэл өчье.

Энэхүү дотоод сунгааны дүнг яаж ч бодсон хүлээн зөвшөөрөх аргагүй. Үнэнээр, зөв шударга сонгууль болсон бол С.Эрдэнээс өөр хүн л тодрох ёстой байсан.

Одоо муу нуухаар сайн илчлэн нэг талдаа гарцгаая. Ардчилсан намд үүссэн өнөөгийн нөхцөл байдлыг сайн муугаараа ялгарах боломж гэж үзэж байна. Ардчилсан Намыг хувь хүний эрх, эрх чөлөө, бизнесийг дэмждэг жинхэнэ баруун төвийн нам болгон шинэчлэх, элдэв популистууд, зүүнтнүүд, луйварчид, завшаанчид зэргээс бүрмөсөн салж, нэг талдаа гарах боломж гэж дүгнэж байна” гэжээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Соёлын сайд асан С.Чулууныг Чингис хаан музейн захирлаар томилжээ

Соёлын сайд асан С.Чулууныг Чингис хаан музейн захирлаар томилжээ. Түүнийг өнгөрөгч гуравдугаар сар

2021-05-06

Х.Баттулга, Ц.Элбэгдорж нарын тангараг нь тонгорог болж, намаа хоёр хуваалаа

АН өнөөдрийн хагарлаа Монгол улсын төр засаг, төрийн эрх барьж байгаа МАН, цаашлаад ард түмэнд нялз

2021-05-06

Д.Амарбаясгалан: Н.Алтанхуяг дарга байвал бүх зүйл шударга, үгүй бол бүгд шударга бус болчихдог байж болохгүй

АН-ынхан дотоодын хэрүүл тэмцлээ цэгцэлж чадахгүй явсаар хоёр хүнийг Ерөнхийлөгчийн сонгуульд нэр

2021-05-06