Өчигдөр манай улс ОХУ-д бүтээсэн 10 мянган тун Спутник-V вакцины хүлээн авчээ. Вакциныг Сөүл-Улаанбаатар чиглэлийн тусгай үүргийн нислэгээр тээвэрлэн авчирсан бөгөөд Монгол Улсын хүлээн авсан гурав дахь төрлийн вакцин болж байна.
Өмнө нь буюу энэ сарын 22-ны өдөр БНЭУ-д үйлдвэрлэсэн 150 мянган хүн тун Astrazeneca вакцин, 23-ны өдөр БНХАУ-д үйлдвэрлэсэн 300 мянган хүн тун Синофарм вакциныг хүлээж авчээ. Нийт 460 мянган хүн тун вакциныг хүлээн аваад байгаа ч одоогийн байдлаар зөвхөн Astrazeneca вакциныг дархлаажуулалтад хэрэглэж эхлээд байна.
Хэдийгээр Синофарм, Спутник-V вакциныг ДЭМБ бүртгэж аваагүй байгаа ч дархлаажуулалтад ашиглахад харшлах зүйл байхгүй тухай ЭМЯ-наас мэдээлсэн. Гэвч одоогоор дээрх хоёр вакциныг дархлаажуулалтад ашиглах талаар албан ёсны шийдвэр гараагүй байна.
Мөн “ОХУ-ын Спутник V болон БНХАУ-ын Сенофарм компанийн вакцины эмнэл зүйн туршилт судалгааны үр дүнг нь үнэлж, яаралтай горимоор баталгаажуулах үйл ажиллагаа явагдаж байгаа. Ойрын хугацаанд баталгаажуулалтыг өгнө” хэмээн ДЭМБ-ын Монгол дахь суурин төлөөлөгчийн газраас мэддэгджээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй