Шинээр илэрсэн 14 тохиолдол бүгд Улаанбаатар хотод бүртгэгдсэн

2021-01-12 634 0

Эрүүл мэндийн яамнаас коронавируст халдварын нөхцөл байдлын талаар мэдээллээ. ХӨСҮТ-ийн Тандалт, судалгааны албаны дарга А.Амбасэлмаа “Нэгдүгээр сарын 11-ний өдөр улсын хэмжээнд 15849 хүнд PCR шинжилгээ хийхэд 14 хүнээс коронавирусийн халдвар илэрлээ. 

Шинээр илэрсэн тохиолдлууд нь бүгд Улаанбаатар хотод бүртгэгдсэн.

Тодруулбал, БЗД-ийн хоёр гэр бүлийн 9 хүн, БГД-ийн 6 дугаар хорооны нэг гэр бүлийн 3 хүн, БЗД-ийн нэгдсэн эмнэлэгтэй холбоотой гэр бүлийн дамжсан халдвартай холбоотой нэг хүн, ИНЕГ-ын ажилтны ойрын хавьтлын нэг хүн байна.

Дээрх хүмүүс ажиглан тусгаарлах байранд байсан бөгөөд заримынх нь давтан шинжилгээгээр халдвар илэрлээ.

Ингээд Монгол улсад бүртгэгдсэн коронавируст халдварын нийт тохиолдол 1456 боллоо.

Үүнээс өнөөдрийн 909 хүн эдгэрээд байгаа бол 536 хүн эмчилгээнд байна. Маш хүнд 1, хүнд 13, хүндэвтэр 95, хөнгөн 427 хүн байгаа” гэв.

Одоогоор Сэлэнгэ, Дархан-Уул, Говьсүмбэр, Орхон, Архангай, Дорноговь аймгийн голомтоос батлагдсан тохиолдол шинээр бүртгэгдээгүй байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

ЭМДС-аас хариуцах эмнэлгийн тусламж үйлчилгээний шинэчилсэн тарифыг мөрдөж эхэллээ

Эрүүл мэндийн даатгалын үндэсний зөвлөлийн 2025 оны нэгдүгээр сарын 3-ны өдрийн 03 дугаар тогтоолоор

2025-03-11

ЭМЯ: Менингококкт халдварын сэжигтэй нэг тохиолдлын хариу СӨРӨГ гарсан

ХӨСҮТ-д менингококкт халдварын сэжигтэй хоёр тохиолдол хэвтэн эмчлүүлж байгаагаас шинжилгээний хариу

2025-02-04

Ж.Чинбүрэн: Хүүхэд, ахмад настны эмнэлгийг 8 тэрбумаар барьсан ч ашиглахгүй байгаа нь харамсалтай

Баянзүрх дүүрэгт ахмад настан болон хүүхдүүдэд дагнасан тусламж, үйлчилгээ үзүүлэх, хэвтүүлэн эмчлэх

2025-01-14