С.Баярт оноосон 5 жилийн хорих ялыг 2.6 жил болгон буурууллаа

2020-12-05 657 0

Нийслэлийн Давж заалдах шатны шүүхэд С.Баяр нарт холбогдох эрүүгийн хэргийн шүүх хурал боллоо. 2020 оны долоодугаар сарын 23-нд Чингэлтэй дүүргийн анхан шатны шүүх С.Баярт нийтийн албанд ажиллах эрхийг хоёр жилээр хасаж, нийт таван жил, Ч.Даваанямд хоёр жил хорих ял оноосон.

Тэгвэл 12 дугаар сарын 1-ний өдөр болсон С.Баяр, Ч.Давааням нарт холбогдох эрүүгийн хэргийн Давж заалдах шатны шүүх хурлаар С.Баярцогт нарт холбогдох эрүүгийн хэрэгтэй нэгтгэн хэлэлцүүлж, шийдэх шүүгчийн тогтоол гарсан. Гэвч 12 дугаар сарын 3-ны өдрийн шүүх хурлаар хэргийг дахин тусгаарласан билээ.

Уг хоёр хэргийг нэг шүүх бүрэлдэхүүн шүүсэн бөгөөд С.Баяр нарт холбогдох эрүүгийн хэргийн шүүх хурал дууссаны дараа албан ёсны шийдвэрийг танилцуулсан. Чингэлтэй дүүргийн Анхан шатны шүүхээс С.Баярт таван жилийн хорих ял оноосон байсныг Нийслэлийн Давж заалдах шатны шүүхээс 2 жил зургаан сар болгон бууруулжээ. Мөн Ч.Даваанямд оноосон хоёр жилийн хорих ялыг нэг болгон бууруулсан байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

“Глоб кредит”-ийн Ж.Мэндбаяр төрөөс 50 тэрбум төгрөг нэхэмжилнэ

“Глоб кредит” хадгаламж зээлийн хоршоог үүсгэн байгуулагч Ж.Мэндбаяр төрөөс 50 тэрбум төгрөг нэхэмжи

2025-05-08

Д.Нямхүүг цагаатгасныг хүчингүй болгуулах прокурорын эсэргүүцлийг УДШ хэлэлцэнэ

Нэгэн үе "Ардын баатар" гэгдэж байсан  ХӨСҮТ-ийн захирал асан Д.Нямхүү нарт холбогдох хэргийг анхан

2025-05-06

Удирдлагын академийн хойно гарсан галыг бүрэн унтраалаа

Нийслэлийн Хан-Уул дүүргийн 17 дугаар хороо буюу олны нэрлэж заншсанаар Удирдлагын академийн хойно “

2025-05-06