2.6 жил хэрэгжсэн Зөрчлийн тухай хуулиар давхардсан тоогоор 5.2 сая хүн шийтгэл хүлээжээ

2020-10-01 855 0

Хууль зүй, дотоод хэргийн яамнаас Зөрчлийн тухай хуулийн шинэчилсэн найруулгын төслийн хэлэлцүүлгийг зохион байгууллаа.

2.6 жил хэрэгжсэн Зөрчлийн тухай хуулиар давхардсан тоогоор 5.2 сая хүн хуулийн дагуу шийтгэл хүлээжээ.

“Иргэд Зөрчлийн тухай хуулийг хүчингүй болгох, өөрчлөх тухай санал шүүмжлэл хэлдэг.  Энэ удаад сануулах үе шат оруулсан нь энэ өөрчлөлтийн гол онцлог” гэж Хууль зүй, дотоод хэргийн сайд Х.Нямбаатар онцолж байлаа.

Тодруулбал, хүний амь, эрүүл мэндэд шууд хор хохирол учруулахааргүй зөрчил илэрсэн тохиолдолд эрх бүхий албан тушаалтнууд 7-10 хоногт шаардлага өгч, сануулдаг байх юм. Заасан хугацаанд зөрчлөө арилгаагүй бол зөрчлийн харилцаа үүсэж, торгууль шийтгэлийг ногдуулна.

Замын хөдөлгөөний аюулгүй байдал зэрэг төрлийн зөрчилд сануулах боломж байхгүй юм. Үүнээс гадна дараахь зарчмын өөрчлөлтүүдийг оруулахаар зорьж байна:

  • – Өмнө нь Эрүүгийн хуульд хуульчлагдсан байсан, зөрчлүүдийг буцааж Эрүүгийн хууль руу шилжүүлнэ. Өөрөөр хэлбэл жижиг, том хулгай гэж ялгах бус шийтгэл оногдуулахдаа бодолцож оногнуулдаг болно.
  • – Зөрчлийн шинж чанар, зөрчил үйлдэгчийн хувийн байдал зэргийг харгалзан үзэж торгууль ногдуулна. Торгуулийн хэмжээг дээд, доод хязгаартай болгож тодорхой болгоно. Шүүх хуралдааны хэвийн үйл ажиллагааг тасалдуулсан бол шүүгч тэр дор нь захирамж гаргаж баривчлах эрх зүйн орчныг бүрдүүлнэ.
  • Торгуулийг хугацаанд нь буюу 7-10 хоногийн дотор төлсөн тохиолдолд шийтгэл, торгуулийг 50 хувиар бууруулна. 

ОХУ-д гэхэд замын хөдөлгөөний аюулгүй байдлын журам зөрчөөд торгуулийн тасалбар хүлээж авсан хүн долоо хоногийн дотор төлбөл 50 хувь бага төлдөг байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

“UB palace”-ын газар “Хурд стандарт” ХХК буюу Б.Чойжилсүрэнд шилжжээ

Гитарчин Өөжгий буюу Д.Өлзий-Орших "UB palace-ыг буулгах болсон" тухай мэдээллийг нүүр номдоо бичсэн

2025-02-26

Д.Амарбаясгалан: Улиастай-Алтайг холбох авто замын төслийг эхлүүлснээр ачаа тээврийн урсгал, худалдааны эргэлт нэмэгдэнэ

Монгол Улсын Их Хурлын дарга Д.Амарбаясгалан, Улсын Их Хурлын гишүүн М.Мандхай нар Завхан аймгийн Ул

2025-02-20

Булган аймгийн ИТХ-ын төлөөлөгч асан С.Гал-Эрдэнэд хоёр жил хорих ял оноолоо

Булган аймгийн ИТХ-ын төлөөлөгч, тэргүүлэгчээр ажиллаж байсан “Хангай констракшн” компанийн удирдах

2025-02-11