Монгол Улс цар тахлын үед сонгуулиа хийсэн АЗИЙН орнуудыг ирцээрээ тэргүүлжээ

2020-08-10 555 0

“TheDiplomat” сэт­гүүлд цар тахлын үед сонгуулиа хийсэн Азийн улс орнуудын туршлагыг онцолжээ. 2020 онд сонгуультай байсан гурван улс тутмын хоёр нь сонгуулиа хойшлуулсан бол Монгол, Малайз, Япон, Сингапур зэрэг 50 улс цар тахлын үед сонгуулиа зохион байгуулжээ.

Корона­вирусын цар тахлын үед хүн хоорондын зайг чанд баримтлах ёстой учраас сонгуулийн кампанит ажил өмнөх жилүүд шиг байсангүй. Монгол Улсын Засгийн газраас аль болох цахим уулзалт зохион байгуулах, эсвэл хүн хоорондын зайг баримтлах, оролцогчдын халууныг тогтмол хэм­жих, уулзалтын үеэр амны хаалттай байх гэх мэт “Монгол Улсын Их Хурлын 2020 оны ээлжит сонгууль зохион байгуулах үйл ажиллагааны явцад коронавируст халдвар (ковид-19)-ын цар тахлаас урьдчилан сэргийлэх журам” батлан гаргасан юм. Мөн сонгууль өгөх үед сэжигтэй тохиолдол илэрвэл эмнэлгийн ажилтнууд шууд тусгаар­лах байв.

Сингапур улсын хувьд Монгол Улстай ерөнхийдөө төстэй халдвар хамгаагүйтлийн дэглэмийг баримталсан боловч олон нийтийг хамарсан уулзалт зохион байгуулахыг бүрмөсөн хоригложээ.

Сонгуулиа хийсэн Азийн дөрвөн улсаас Монгол, Сингапур улсын хувьд өмнөх жилүүдээс ирц хамгийн өндөр байсан бол харин Япон, Малайзад ирц буурсан үзүүлэлттэй байлаа.

Ардчилал, сонгуулийн туслалцааны олон улсын хүрээлэн /IDEA/-ээс гаргасан дэлхийн ардчиллын индексэд цар тахлын үед сонгуулиа хийх нь ардчиллын чанарт таван байдлаар нөлөөлж болохыг харуулжээ.
Сонгуулийн цэвэр, шударга байдал, ялан­гуяа засаг захиргааны төвшинд тавигдах хяналт
Тодорхой сонгогчдын оролцоонд нөлөөлөх/гадаадад болон тусгаар­лалтад байгаа иргэд/
Намуудын тэгш оролцоо
Сонгуулийн үр дүн хууль ёсны зэрэгт эргэлзээ төрүүлдэг байна.

Эх сурвалж: TheDiplomat

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Бие даан нэр дэвшигч 75 иргэний мөрийн хөтөлбөрт аудитын дүгнэлт гаргажээ

УИХ-ын 2024 оны сонгуульд оролцохоор 77 бие даан нэр дэвшигч аудитын байгууллагад мөрийн хөтөлбөрөө

2024-05-23

АН-аас дэвшигчид нэрээ татсаар байна

Нам, эвслүүдээс нэр дэвшүүлэх ажиллагаа 20-ны өдөр явагдсан. Тэр дунд АН-аас нэр дэвшүүлэх ажиллагаа

2024-05-22

Сонгинохайрхан, Налайх дүүрэгт  эдийн засгийн тусгай бүс байгуулна

Засгийн газрын өнөөдрийн хуралдаанаар Сонгинохайрхан, Налайх дүүрэгт  эдийн засгийн тусгай бүс байгу

2024-05-22