Н.Номтойбаяр нарт холбогдох эрүүгийн хэргийн шүүх хуралдааныг хойшлуулж, сонгуулийн дараа буюу зургаадугаар сарын 26-нд товлолоо. Мөн түүний өмгөөлөгч цагдан хорих таслан сэргийлэх арга хэмжээг өөрчлүүлэх хүсэлт гаргасан боловч уг хүсэлтийг хангаагүй байна.
Н.Номтойбаярын өмгөөлөгч Н.Мандах “Өмгөөлөгчид шүүх хуралдаан давхцсан, орон нутагт ажилтай байгаа” зэрэг шалтгааны улмаас шүүх хурлыг хойшлуулах хүсэлт гаргасан. Улмаар сонгуулийн дараа буюу энэ сарын 26 хүртэл хойшлууллаа. Шүүхийн процессын хуульд Үндсэн хууль болон бусад хуулиа сахина гэж байдаг. Гэтэл харамсалтай нь шүүх хуулиа авч хэлэлцэхгүй байна. Миний үйлчлүүлэгч нэр дэвшигчийн үнэмлэхээ гардан авчихсан байгаа. 06 сарын 11-нд талуудын саналыг сонсолгүй 06 сарын 17-нд шүүх хуралдааныг товлосон. Тиймээс талуудын өмгөөлөгчид шүүх хурал давхцсан, орон нутагт ажилтай байгаа зэрэг шалтгаанаар хойшлуулах хүсэлт гаргах нөхцөл байдалд хүрч байна” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй