Нэр дэвшигч сонгогчоо үнсэж “хайр зарлахгүй”, сонгогч бээлий өмсөж саналаа өгнө

2020-05-30 1119 0

Монгол Улсын Засгийн газрын 188 дугаар тогтоолоор Монгол Улсын Их Хурлын 2020 оны ээлжит сонгууль зохион байгуулах үйл ажиллагааны явцад коронавируст халдварын цар тахлаас урьдчилан сэргийлэх журмыг баталсан.

Энэхүү журамд нам, эвсэл, нэр дэвшигчийн сонгуулийн сурталчилгааны үед болон сурталчилгааны ухуулах байранд халдвараас сэргийлэх үйл ажиллагааг тусгаж өгсөн байна.

Мөн нам, эвсэл, нэр дэвшигчийн эрх үүргийг зааж өгснөөс гадна зөөврийн битүүмжилсэн саналын хайрцгаар санал авах, санал авах байранд сонгогчийн санал авах үед халдвараас сэргийлэх үйл ажиллагаанд баримтлах журам, дээрх үйл ажиллагааны явцад сэжигтэй тохиолдол илэрсэн үед авах арга хэмжээ зэргийг тодорхой заажээ.  

Тэгвэл тус журмын 3.2-т Цахим хэлбэрээр зохион байгуулах боломжгүй тохиолдолд аливаа арга хэмжээ, уулзалт, цуглаан, хурал зохион байгуулах байр, танхимыг урьдчилан цэвэрлэж, ариутгал, халдваргүйжүүлэлт хийсэн байхыг тусгасан бөгөөд уулзалт, арга хэмжээнд оролцогчдын хүн хоорондын зайг 1.5 метрээс доошгүй байхыг тусгажээ. 

Ингэхдээ тухайн нэр дэвшигчийн уулзалт цуглаанд оролцохоор ирсэн иргэд, сонгогчдыг биедээ хүрэх, гарах барих, нэгнээ үнсэхийг хоригложээ. Түүнчлэн амны хаалтгүй иргэнийг оруулахыг хориглосон бөгөөд зохион байгуулагчдын зүгээс нэг удаагийн амны хаалт олгох ёстой гэдгийг журамлажээ.  Гэхдээ зөвхөн нэг ширхэгийг өгөх гэнэ.

Журмыг бүрэн эхээр нь хүргэж байна. 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Бие даан нэр дэвшигч 75 иргэний мөрийн хөтөлбөрт аудитын дүгнэлт гаргажээ

УИХ-ын 2024 оны сонгуульд оролцохоор 77 бие даан нэр дэвшигч аудитын байгууллагад мөрийн хөтөлбөрөө

2024-05-23

АН-аас дэвшигчид нэрээ татсаар байна

Нам, эвслүүдээс нэр дэвшүүлэх ажиллагаа 20-ны өдөр явагдсан. Тэр дунд АН-аас нэр дэвшүүлэх ажиллагаа

2024-05-22

Сонгинохайрхан, Налайх дүүрэгт  эдийн засгийн тусгай бүс байгуулна

Засгийн газрын өнөөдрийн хуралдаанаар Сонгинохайрхан, Налайх дүүрэгт  эдийн засгийн тусгай бүс байгу

2024-05-22