СЕХ Н.Энхбаярыг нэр дэвшигчээр бүртгэхээс татгалзжээ

2020-05-26 673 0

2020 оны УИХ-ын сонгуульд нэр дэвшигчид Сонгуулийн ерөнхий хороонд албан ёсоор бүртгүүлэхээр баримт, бичгээ хүргүүлээд байгаа. Хуулийн дагуу СЕХ нэр дэвшигчдийн баримт бичгийг нягталж, хянаад бүртгэх эсэх шийдвэр, тогтоол гаргаж буй.

Тэгвэл МАХН-аас нэр дэвшиж буй 76 хүний тавыг нь СЕХ нэр дэвшигчээр бүртгэхээс татгалзсан байна. Татгалзсан таван хүн дунд МАХН-ын дарга Н.Энхбаяр багтжээ. 

Ерөнхийлөгч асан Н.Энхбаяр Улсын Их Хурлын сонгуулийн 26 дугаар тойрог буюу Баянгол дүүрэгт нэр дэвшихээ мэдэгдээд байсан. Гэвч түүнийг авлига, албан тушаалын гэмт хэрэг үйлдсэн нь шүүхээр тогтоогдсон гэж үзэн дээрх шийдвэрийг гаргажээ. 

Харин тус намын гишүүн З.Баянсэлэнгэ СЕХ-ны шийдвэртэй санал нийлэхгүй байгаа бөгөөд шүүхэд хандана гэдгээ хэлсэн юм. 

Н.Энхбаярын тухайд 2012 онд анхан шатны шүүхээс түүнийг Эрүүгийн хуулийн 263.2 буюу албан тушаалын байдлаа урвуулан ашигласан гэм буруутайд тооцон төрийн албанд ажиллах эрхийг гурван жилээр хасаж, гурван жил хорих ял оноосон бөгөөд Өршөөл үзүүлэх тухай 2009 оны хуулийн дагуу 263.2-т зааснаар оногдуулсан үндсэн болон нэмэгдэл ялыг бүхэлд нь өршөөн хэлтрүүлжээ.

Мөн Эрүүгийн хуулийн 150.3 буюу бусдын эд хөрөнгийг завшиж, үрэгдүүлсний улмаас бусдад их буюу онц их хэмжээний хохирол учруулсанд тооцон долоон жилийн хорих ял оноосон бөгөөд Өршөөлийн хуулийн дагуу гурван жилийг нь өршөөн хасаж, дөрвөн жилийн хорих ялыг биечлэн эдлүүлэх шийдвэр гаргасан юм. Давж заалдах шатны шүүхээс анхан шатны шүүхийн шийдвэрийг хэвээр үлдээсэн. 

Харин хяналтын шатны шүүхээс Эрүүгийн хуулийн тусгай ангийн 150.3-т зааснаар Н.Энхбаярт анхан шатны шүүхээс ногдуулсан долоон жилийн хорих ялыг таван жил зургаан сар болгосон бөгөөд үүнээс гурван жилийг өршөөн хасаж, хоёр жил зургаан сарын хорих ялаар тогтоож байжээ.

Монгол Улсын Их Хурлын сонгуулийн тухай хуулийн 29.8-д “Авлига, албан тушаалын гэмт хэрэг үйлдсэн нь шүүхээр тогтоогдсон бол нэр дэвшихийг хориглоно” хэмээн заасан байдаг. Тиймээс Н.Энхбаярыг авлига, албан тушаалын гэмт хэрэг үйлдсэн нь шүүхээс тогтоогдсон гэж үзэн СЕХ нэр дэвшүүлэхээс татгалзжээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Хамгийн их санал авсан 78 нэр дэвшигчийг УИХ-д сонгогдсонд тооцно, 48 нь нам, эвслийн жагсаалтаар орно

Сонгуулийн Ерөнхий Хорооны дэргэдэх Мэдээллийн технологийн төвийн ахлах референт П.Алтанчимэг УИХ-ын

2024-04-04

Нэр бүхий 7 гишүүнийг дахин сонгуульд оролцуулахгүй байх шаардлагыг СЕХ-д хүргүүлжээ

Иргэн О.Энхмаа УИХ-ын гишүүн болон өмнө нь их хуралд нэр дэвшиж байсан нэр бүхий 26 хүнийг сонгуульд

2024-04-04

Н.Энхболд: Сонгуулийн дүнгээр 64 ба түүнээс дээш суудал авсан нам, эвсэл УИХ-д олонх болно

УИХ дахь МАН-ын бүлэг хуралдлаа. Хуралдаанаар хэлэлцсэн асуудлын тухай бүлгийн дарга Д.Тогтохсүрэн м

2024-04-01