МАН-ын Удирдах зөвлөлийн гишүүн Я.Содбаатар нарын хүмүүс тус намаас УИХ-ын сонгуульд оролцох нэр дэвшигчдийн баримт бичгийг Сонгуулийн ерөнхий хороонд хүлээлгэн өглөө. Сонгуулийн хуульд зааснаар нам, эвслээс нэр дэвшигчдийн материалыг СЕХ хүлээн авч хянаад, нэр дэвшигчээр бүртгэх эсэхийг шийднэ.
Я.Содбаатар “Сонгуулийн хуулийн дагуу МАН-аас нэр дэвших эрх авсан 76 хүний холбогдох материалыг бүрдүүлж СЕХ-нд хүргүүллээ. МАН-ын дарга У.Хүрэлсүхээс тавьсан гурван шалгуур буюу өндөр ёс суртахуунтай, мэдлэг боловсролтой, ажлын дадлага туршлагатай хүмүүсийг нэр дэвшүүлсэн. Мөн сонгогчдынхоо саналд үндэслэж, тэдний дэмжлэгийг авч чадах нэр дэвшигчдийг тодруулсан” гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй