Иргэн ТА хэдэн төгрөгийн ногдол ашиг авах вэ?

“Эрдэнэс-Тавантолгой” ХК ээлжит мэдээллээ хийлээ. Тус компанийн
хэвлэл мэдээлэл, Олон нийттэй харилцах хэлтсийн дарга М.Амарбаяр ““Эрдэнэс-Тавантолгой” ХК энэ жил анх удаа иргэддээ ногдол ашиг өгөхөөр шийдвэрлэсэн. ТУЗ-ийн тогтоолын дагуу ногдол ашиг олгох ажлыг тавдугаар сарын 01-ний өдрөөс эхлэн зохион байгуулах ёстой. “Эрдэнэс-Тавантолгой” ХК-ийн хувьд ногдол ашиг хуваарилах бэлтгэл ажлыг бүрэн хангасан.

Хэдийгээр манай компани бэлтгэл ажлаа бүрэн хангасан ч хувьцаа эзэмшигч хоёр сая 512 мянган иргэн хувьцааны дансаа нээх, банкны дансаа хувьцааны данстайгаа холбох, холбосон банкны данс нь идэвхитэй ажиллаж байгаа эсэх мөн хувьцааны дансаа нээлгээгүй иргэдийн ногдол ашгийг банкны дансаар нь хэрхэн өгөх, хүүхдүүдийн ногдол ашгийг яаж өгөх гээд хянаж цэгцлэх ажил их бий.

Энэ ажил хийгдээд бараг дууссан, давхардал үүсгэхгүй, иргэдийг гээгдүүлж хохироохгүй байх үүднээс Улсын бүртгэлийн ерөнхий газар, Үнэт цаасны төвлөрсөн хадгаламжийн төв, Гааль, татвар санхүүгийн мэдээллийн технологийн төв зэрэг газрууд мэдээллээ хоорондоо солилцох, тулгах ажил хийгдэж байна” гэв.

“Эрдэнэс-Тавантолгой” ХК-ийн Хувьцаа эзэмшигч иргэний тоо 2,512,768 байгаа. Үүнээс хувьцааны дансаа нээлгэсэн 1,718,296 иргэн байгаа бол банкны дансаа баталгаажуулсан 425,000 иргэн байна.
Түүнчлэн “Хэрэв И баримт апп хэрэглэж, НӨАТ-ын буцаан олголт авдаг бол энэ дансаараа авах боломжийг бас бүрдүүлсэн.

500 мянга орчим нь хүүхдүүд байгаа тул хүүхдийн мөнгө авдаг дансаар нь ногдол ашгийг шилжүүлнэ.

Эдгээрийн алинд нь ч хамаарахгүй буюу хувьцааны дансаа нээлгээгүй, е-баримт апп хэрэглэдэггүй иргэдийн ногдол ашгийг шилжүүлэх ажилд хүндрэл гарч байгаа. Тиймээс е-баримт аппликэйшнээр НӨАТ буцаан олголт авдаггүй иргэд заавал хувьцааны дансаа нээлгэж, банкны дансаа мэдүүлсний дараа ногдол ашгаа авах боломж бүрдэнэ” гэлээ.

Иргэн ТА хэдэн төгрөгийн ногдол ашиг авах вэ?