Холливүүдийн алдарт жүжигчин Ричард Гир, түүний эхнэр Алехандра Силва нар хоёр дахь хүүхдээ өлгийдөж авсан тухай албан ёсны төлөөлөгч нь мэдээлжээ. Ричард Гир одоо 70 настай бол эхнэр нь 37 настай юм. Тэд одоо дөнгөж 14 сартай байгаа Александр хүүгээ ийнхүү дүүтэй болгов.
Гир 68 настайдаа Алехандра Силва хэмээх 35 настай Испани бүсгүйтэй гэрлэсэн билээ. Тэд 2015 онд танилцсан ба Буддын шашны үнэнч сүсэгтэн Гир бие давхар эхнэртэйгээ хамт Далай ламтай уулзаж буй зургаа 2018 оны есдүгээр сард олон нийтэд дэлгэсэн юм.
Ричард Гир өмнө нь Карэй Лавелтай гэрлэж байсан бөгөөд тэдний хүү одоо 20 настай. Одоогийн эхнэр Алехандра нь мөн нэг хүүтэй. Тэрбээр хөлбөмбөгийн “Реал Мадрид” клубын дэд ерөнхийлөгч байсан Игнасио Силвагийн охин аж.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй