Оросын төв телевиз “ОРТ-1”-ийн хөтлөгч Монголчуудыг доромжлов

2020-04-10 2429 1

Оросын төв телевиз ОРТ-1-ийн “Время” мэдээллийн хөтөлбөрийн хөтлөгч өчигдрийн дугаартаа Монгол Улстай холбоотой гэж шууд ойлгогдохоор нэгэн зүйлийг ярьсан нь монголчуудыг бухимдуулав.

Тухайлбал, хөтлөгчийн ярьсан зүйлийн талаар Ерөнхий сайд асан С.Баяр “Ах дүүгийн харилцаатай Азийн нэг орон хэмээн Монголыг дурдан доромжлох. Хувь хүнийхээ хувьд энэ орос юу гэж боддог нь хамаа алга. Гэхдээ “Время” ингэх нь арай л…” хэмээн жиргэсэн байна.

“Время” мэдээллийн хөтөлбөрийн хөтлөгч коронавирустэй холбоотой ОХУ-д тогтоосон хорио цээрийн талаар мэдээллийг хүргэхдээ,

“Бид бүгд Ерөнхийлөгчийн зарлигийг дагах ёстой. Зөвлөлтийн үеийн хүүхэд насандаа бид сансрын нисэгчид шиг дүрэмтэй ажиллах ёстой гэж ярьдаг байсан. Гэхдээ энгийн сансрын нисгэгчид биш, харин бидний ахан дүүс болох Азийн нэгэн орны сансрын нисэгчид шиг. Гэвч Ерөнхийлөгч өнөөдөр тэднийг санасангүй, гэхдээ Печенегүүд, Татарчуудыг бол санасан. 

Бид түүхэндээ муу харилцаатай байсан ч дараа нь яагаад ч юм бүх зүйл өөрчлөгдөж, бид тэднийг сансарт хүртэл илгээсэн боловч нэг нөхцөлтэй байв. Энэ бол сандал дээр суугаад юунд ч хүрэхгүй байх юм. Тэд тэр үед чадсан юм чинь бид ч гэсэн чадна. Тиймээс одоо гэртээ суух нь чухал. Хэцүү хэдий ч бид хичээх болно.

Харин манай эрх баригчид эсрэгээрээ Зөвлөлтийн сансрын нисгэгчид шиг ажиллах ёстой. Маш их зүйлийг хийж, шаардлагатай бол задгай сансарт гарах хэрэгтэй. Би хувьдаа ерөнхийлөгчийг ингэж ойлголоо” гэжээ.

Гэвч хөтлөгчийн хэлсэн энэ үгийг түүний хувийн байр суурь гэдэгт эргэлзэх хүн олон байна. “Время” нэвтрүүлгийн хөтлөгч хувийн байр сууриа хэлдэг гэж үү?

livetv.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Улсын арслан М.Бадарчийн гомдол гаргасан шүүх хурал хойшилжээ

Монголын Олон Улсын ба Үндэсний Спортын Арбитрын шүүх байгууллагаас мэдээлэл хийлээ. Тус байгууллага

2024-02-23

С.Амарсайхан: Зуднаар үхсэн малын махыг зарах асуудал гарсан бол нийгмийн эрүүл мэндийн эсрэг гэмт хэрэгт тооцогдоно

Хаваржилтын нөхцөл байдал, хэрэгжүүлж буй арга хэмжээний талаар УОК-оос мэдээлэл хийлээ. Шадар сайд,

2024-02-22

Маршал Хорлоогийн Чойбалсан 39 размерын гутал өмсдөг байжээ

Хэдхэн хоногийн өмнө буюу 02 дугаар сарын 08-ны өдөр маршал Хорлоогийн Чойбалсаны мэндэлсэн өдөр тох

2024-02-21