“Задлаагүй захиа” кино Москвагийн олон улсын кино наадамд өрсөлдөж байна

Энэ сарын 16-23-ны өдрүүдэд болж байгаа Москвагийн олон улсын 48 дахь удаагийн кино наадамд 43 орны уран бүтээлчдийн 200 орчим кино оролцож байгаа аж. 

Тус наадмын хамгийн нэр хүндтэй хэсэг болох үндсэн уралдаанд Монголын уран бүтээлчдийн буюу  “Аранжин” пикчерсийн “Задлаагүй захиа” кино “Алтан Георгий” шагналын төлөө дэлхийн шилдэг 12 бүтээлтэй өрсөлдөж байна.

Хөдөлмөрийн баатар, Ардын уран зохиолч Б.Лхагвасүрэнгийн “Дутуу хээтэй тооно” зохиолоос сэдэвлэн бүтээсэн тус киноны зохиолчоор  С.Баатарцогт, ерөнхий найруулагчаар Б.Батдэлгэр, продюсер, дууны найруулагчаар Л.Цэрэнтогтох, зургийн найруулагчаар Г.Гүенбаатар нар ажиллажээ.