Өнөөдөр 12:00 цагт УИХ-ын 2020 оны хаврын ээлжит чуулганы нээлт болно. Энэ удаагийн чуулган цахим хэлбэрээр явагдана гэдгээрээ онцлог. Цар тахлын хэмжээнд хүрсэн коронавирусийн халдвартай холбоотойгоор УИХ-ын үйл ажиллагаа дэгээрээ явагдах боломжгүй болсон тул гишүүдийг нэг дор цуглуулахгүй байх зохицуулалтыг хийснээ өнгөрөгч 7 хоногт мэдээлсэн билээ.
Тодруулбал, УИХ-ын хаврын чуулганы нээлтийг чуулганы нэгдсэн хуралдааны танхим болон Байнгын хорооны хуралдааны дөрвөн танхим, нийт таван танхимд цахимаар явуулахаар бэлтгэл ажлыг хангажээ.
Мөн “УИХ-ын үйл ажиллагааг сурвалжлах, мэдээлэх түр журам” баталж, хэвлэл мэдээллийн байгууллага, сэтгүүлчдийн үйл ажиллагааг түр хугацаанд зохицуулахаар болсон байна.
Энэ удаагийн чуулганы хуралдаанаар дараах асуудлуудыг хэлэлцэх юм байна.
-УИХ-ын тухай хуулийн шинэчилсэн найруулгын төсөл;
-УИХ-ын чуулганы хуралдааны дэгийн тухай хуулийн шинэчилсэн найруулгын төсөл;
-Хөгжлийн бодлого, төлөвлөлт, түүний удирдлагын тухай хуулийн шинэчилсэн найруулгын төсөл;
-“Алсын хараа 2050” Монгол Улсын урт хугацааны хөгжлийн үзэл баримтлал батлах тухай” УИХ-ын тогтоолын төсөл;
-Монгол Улсын нэгдсэн төсвийн 2021 оны төсвийн хүрээний мэдэгдэл, 2022-2023 оны төсвийн төсөөллийн тухай хуулийн төсөл;
-“Монгол Улсын 2019 оны төсвийн гүйцэтгэл батлах тухай” УИХ-ын тогтоолын төсөл, Монгол Улсын 2019 оны нэгдсэн төсвийн гүйцэтгэл, Монгол Улсын Засгийн газрын санхүүгийн нэгтгэсэн тайлан;
-Монгол Улсын эдийн засаг, нийгмийг 2019 онд хөгжүүлэх үндсэн чиглэлийн биелэлт;
-“Монгол Улсын эдийн засаг, нийгмийг 2021 онд хөгжүүлэх үндсэн чиглэл батлах тухай” УИХ-ын тогтоолын төсөл;
-Монгол Улсын Засгийн газрын тухай хуулийн шинэчилсэн найруулгын төсөл;
-Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төсөл;
-Нийслэлийн эрх зүйн байдлын тухай хуулийн шинэчилсэн найруулгын төсөл;
-Хот, тосгоны эрх зүйн байдлын тухай хуулийн шинэчилсэн найруулгын төсөл;
-Улс төрийн намын тухай хуулийн шинэчилсэн найруулгын төсөл;
-Монгол Улсын Ерөнхийлөгчийн тухай хуулийн шинэчилсэн найруулгын төсөл;
-Үндэсний баялгийн сангийн тухай хуулийн төсөл;
-“Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийг товлож, санал авах өдрийг тогтоох тухай” Монгол УИХ-ын тогтоолын төсөл болон бусад, асуудлуудыг хэлэлцэх юм байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй