Швейцарын Бернийн их сургуулийн номын санд хадгалагдаж байсан Монголын түүх, соёлын үнэт өвд хамаарах эртний ховор хоёр бичвэрийг буцаан шилжүүлэх ёслол Монгол Улсаас Швейцарын Холбооны Улсад суугаа Элчин сайдын яаманд болов.
Эхний бичвэр нь: XVII зууны эхэн үеийн гар бичмэл бөгөөд Төвдийн их бясалгагч, яруу найрагч Миларайбын “Зуун мянган дуу” зохиолын монгол орчуулга бөгөөд энэхүү орчуулгыг Сэрэгэтү гүүш цорж хэмээх нэрт лам Түмэдийн нөлөө бүхий ноён Онбо хунтайжийн захиалгаар хийсэн бөгөөд гар бичмэлийн төгсгөлийн тэмдэглэлд дурдсанаар 1615 он орчимд орчуулагдсан байх магадлалтай. Энэ эх сурвалж нь Монголын бурхны шашин, утга зохиол, орчуулгын түүхийг судлахад чухал ач холбогдолтойд тооцогддог.
Хоёр дахь бичвэр нь: 1716 онд Бээжинд уламжлалт модон хэвлэлээр хэвлэгдсэн, монгол бичгээрх “Гэсэр” баатарлаг туульсын ховор эх юм. Уг хэвлэмэл нь туульсын 1-3 болон 5-7 дугаар бүлгийг багтаасан бүрэн бус хувилбар боловч Монголын баатарлаг тууль, аман болон бичгийн уламжлалын түүхийг судлахад онцгой үнэ цэнтэй эх сурвалж болно.
Эдгээр хоёр бичвэр нь өмнө нь судлаач Рихард Эрнстийн хувийн цуглуулгад хадгалагдаж байсан ба улмаар Бернийн их сургуулийн номын санд шилжин хадгалагдсан байна.
Энэхүү ховор бичвэрүүдийг Монгол улсад буцаан шилжүүлэхэд Бернийн их сургуулийн Шашны шинжлэх ухааны хүрээлэнгийн профессор, доктор Каренина Коллмар Пауленцын монгол судлалын чиглэлээр хийсэн олон жилийн судалгаа, шинжилгээ, мөн тус сургуулиас холбогдох дүрэм, журмын дагуу гаргасан албан ёсны шийдвэр ихээхэн түлхэц үзүүлжээ. Профессор Коллмар Пауленц нь уг эх сурвалжуудын гарал үүсэл, түүхэн ач холбогдлыг тодорхойлон судалж, Монгол Улсад буцаан олгох үйл явцыг идэвхтэй дэмжин ажилласан аж.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
3 cэтгэгдэлтэй
[1171]Krikay লগইন ও অ্যাপ ডাউনলোড | বিকাশ দিয়ে অনলাইন স্লট গেম,krikay লগইন করুন এবং বিকাশ দিয়ে অনলাইন ক্যাসিনো গেম খেলুন। সহজে krikay app download করে সেরা অনলাইন স্লট গেমগুলো উপভোগ করতে আজই যোগ দিন। visit: krikay
[8458]Lodibet login link – legit na online slots gamit ang GCash,Gamitin ang lodibet login link para sa mabilis na access. Mag-download ng APK at alamin kung paano maglaro ng baccarat. Mag-register na at mag-enjoy! visit: lodibet
[4158]coinplay লগইন এবং অ্যাপ ডাউনলোড | বিকাশ অনলাইন ক্যাসিনো,coinplay-এ লগইন করুন এবং সেরা অনলাইন স্লট গেম উপভোগ করুন। বিকাশ দিয়ে অনলাইন ক্যাসিনো পেমেন্ট করে দ্রুত coinplay app download করে নিন। visit: coinplay