Монголын кино урлагийн 90 жилийн түүхт ой энэ жил тохиож, уг ойг тэмдэглэн Монгол Улсын Ерөнхийлөгч У.Хүрэлсүх кино урлагийн хөгжилд үнэтэй хувь нэмэр оруулсан уран бүтээлч, ажилтнуудыг төрийн дээд цол, одон, медалиар шагнав. Энэхүү баярт өдөр 13 уран бүтээлч шинээр гавьяат цол хүртэж, салбарын түүхэнд шинэ хуудсыг нээлээ.
Гавьяат жүжигчин цолоор жүжигчин, дуу оруулагч Ө.Наранбаатар, орчуулгын киноны дуу оруулагч О.Оюун, чөлөөт уран бүтээлч С.Ариунбямба нар шалгарч, энгэрээ мялаав. Харин “Монгол кино” үйлдвэрийн ажилтнууд болох Г.Аахүү, Ж.Бадам, П.Төмөртогтох, Д.Батгэрэл нар Соёлын гавьяат зүтгэлтэн, харин Д.Балчинпүрэв, Б.Баянбат, Д.Цэнддорж, Б.Болд, Б.Лхагвадорж, Н.Батжаргал нар Урлагийн гавьяат зүтгэлтэн цол хүртлээ.
Мөн кино урлагийн хөгжлийг дэмжин ажилласан Т.Сарантуяа, Ю.Цэцэгбадам нарыг Хөдөлмөрийн гавьяаны улаан тугийн одонгоор, Ж.Туул, С.Ангараг, Д.Сарантуяа, Ш.Байгалмаа, Д.Батболд нарыг Алтан гадас одонгоор, харин Л.Жижжалам, С.Чинсанаа нарыг Хөдөлмөрийн хүндэт медалиар шагнажээ.
Монгол Улсын Ерөнхийлөгч У.Хүрэлсүх шагнал хүртсэн уран бүтээлчдэд баяр хүргэж, Монголын кино урлагийг хөгжүүлэх үйлсэд нь амжилт хүссэн юм.
Эх сурвалж: Монгол Улсын Ерөнхийлөгчийн Тамгын газар
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэлтэй
BK8ze is where I go after a long day, easy access, great platform, I recommend it bk8ze.