Японы мэргэжлийн сумо бөхийн холбооноос Фүкүока хотод болох 11 дүгээр сарын башёгийн банцүкэг албан ёсоор нийтэллээ. Энэхүү башё нь 2025 оны сүүлийн тэмцээн бөгөөд Ёкозүна Ооносато тэргүүлж байна. Харин Украины бөх Аонишики анх удаа сэкивакэ цолтой зодоглохоор болж, сумо бөхийн түүхэнд 13 башё барилдсаны дараа энэхүү зиндаанд хүрсэн хамгийн хурдан бөх болжээ.
Монголын талаас Чиёошома Г.Мөнхсайхан макүүчид дэвшин барилдахаар болсон бол нийтдээ Монголын 21 сумоч таван өөр зиндаанд нэрээ бичүүлжээ. Тэдний дундаас Ёкозүна Хоошёорюү С.Бямбасүрэн, Озэки Киришима Б.Лхагвасүрэн, М-4 зиндаанд Тамаваши Б.Мөнх-Оргил, М-4 Оошёома П.Дэлгэрбаяр, М-6 Оонокацү Б.Чойжилсүрэн зэрэг туршлагатай хүчтэнүүд зодоглоно.
Жюүрёо зиндаанд Асахакүрюү Р.Жамъянтогтох, Тамашёохо Э.Энхманлай нар, харин макүшита, санданмэ, жонидан зиндаанд нийт 13 монгол бөх хүч үзэхээр болжээ.
Арваннэгдүгээр сарын башё нь 2025 оны улирлын сүүлийн тэмцээн бөгөөд нийт 598 бөх зодоглох юм.
Эх сурвалж: Японы мэргэжлийн сумо бөхийн холбоо
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
2 cэтгэгдэлтэй
⬇️ Muốn dùng mọi lúc? Nhấn tải đồng hồ đếm ngược phiên bản web-app (Add to Home Screen), chạy nhanh, không quảng cáo gây xao nhãng.
Cappadocia tours from Istanbul Harper L. ★★★★★ Family review: Kids LOVED making fairy chimney rock sculptures! Guides engaged children brilliantly. Babysitter service available too. https://www.worldtravelawards.com/profile-45937-travelshop-booking