Монгол Улсын Хөдөлмөрийн баатар, Ардын уран зохиолч, Төрийн шагналт, Соёлын гавьяат зүтгэлтэн, яруу найрагч Б.Лхагвасүрэнгийн “Тамгагүй Төр” буюу “Монгол хаан” жүжгийн уран бүтээлчид Токио хотноо 18 удаа тоглож, энэ сарын 24-ний өдрөөс Нагоя хотын үзэгчдэд уран бүтээлээ толилуулж эхлээд байна.
Тус жүжгийн Арчуг хааны дүрд МУГЖ Эрдэнэбилэг, Эгэрэг түшмэлийн дүрд МУГЖ Болд-Эрдэнэ, их хатны дүрд СТА Одончимэг, бага хатны дүрд СТА Дөлгөөн, Ачир ханхүүгийн дүрд МУГЖ Доржсүрэн, Хүчир ханхүүгийн дүрд Майдарравжаа нар тоглож байна. УДЭТ-ийн жүжигчин, СТА Майддарравжаагийн тухайд Төрийн соёрхолт, МУГЖ Сосорбарамын хүү юм.
Жүжгийн продюсер Грег Сузуки “Би энтертаймент салбарт 40 жил ажиллаж байна. Энэ хугацаанд гадаад дотоодын маш олон жүжиг тоглолт дээр ажилласан хэдий ч эхний гурван өдөр тасалбар нь зарагдаж дууссан тохиолдол өмнө нь огт байсангүй” хэмээн онцолжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй