Шинэ хичээлийн жилийн бүтцээр өвлийн амралтыг нэг долоо хоногоор сунгажээ

Боловсролын Яамнаас 2025-2026 оны хичээлийн жилийн бүтцийг  танилцууллаа. Хичээлийн жил гурван улирлын бүтэцтэй байх ба өвлийн амралтыг нэг долоо хоногоор сунгасан байна.

Ингэснээр бага ангийнхан арванхоёрдугаар сарын 15-аас эхлэн зургаан долоо хоног амраад, нэгдүгээр сарын 26-нд, дунд ангийнхан арванхоёрдугаар сарын 22-оос эхлэн таван долоо хоног амарч, нэгдүгээр сарын 26-наас шинэ улирлын хичээлдээ орно.

Ахлах ангийнхан арванхоёрдугаар сарын 22-оос амарна. Гэхдээ амралтын эхний долоо хоногт цахимаар хичээллэх аж.

Өвлийн амралтыг нэг долоо хоног сунгаж байгаа учраас зургаадугаар сард нэг долоо хоног сунаж хичээллэнэ. Энэ нь зургаадугаар сарын 8-12-ны хооронд хичээл амарна гэсэн үг. Зургаадугаар сарын 8-12-ны өдрүүдэд шалгалтын долоо хоног байна. Хуульд 170-185 хоног хичээллэхийг үүрэг болгосон байдаг байна.