Өнгөрсөн баасан гарагт импортлогч компаниуд шатахууны үнийг 200 төгрөгөөр нэмсэн. Аж үйлдвэр, эрдэс баялгийн яамнаас  “Ярьсан тохирсондоо хүрэлгүй шийдэж байгаа бол бид ч бас зохих арга хэмжээг авна” гэсэн байр суурийг илэрхийлсэн.

Тэгвэл аж ахуйн нэгжүүдтэй хэлэлцсэний үр дүнд зарим компаниуд Хамтарсан зөвлөлийн шийдвэр албан ёсоор гарах хүртэлх хугацаанд АИ-92 автобензины үнийг 100 төгрөгөөр буулгах болжээ. Мөн гадаад, дотоод зах зээлийн нөхцөл байдал, импортын үнэтэй уялдуулан АИ-95 автобензин болон дизель түлшний үнийг тус бүр 200 төгрөгөөр буулгасан байна.